Stofnendurgreiðslan berst nú inn á heimili viðskiptavina Sjóvá í Stofni. Þetta er í sautjánda skiptið sem Sjóvá endurgreiðir tjónlausum og skilvísum viðskiptavinum í Stofni hluta iðgjalda sinna og í ár, líkt og í fyrra, gefst Stofnfélögum kostur á að styrkja gott málefni um leið og þeir ráðstafa endurgreiðslu sinni á Mínum síðum á Sjóvá.is.

Árið 2010 var sú nýjung tekin upp að viðskiptavinum gafst kostur á að gefa alla endurgreiðsluna, eða hluta hennar til góðs málefnis. Þeir gátu valið milli þess að styrkja Mæðrastyrksnefnd eða Rauða Krossinn og því góða starfi sem er unnið á Haítí á þeirra vegum.

Fjölmargir viðskiptavinir völdu að gefa til góðs málefnis og afhenti Sjóvá Rauða Krossinum 350.000 krónur og Mæðrastyrksnefnd 200.000 krónur að þessu tilefni fyrir hönd viðskiptavina sinna.

Í ár gefur Sjóvá viðskiptavinum í Stofni kost á að styrkja Barnaspítalasjóð Hringsins.

 

 

Barnaspítalasjóður Hringsins er rekinn af kvenfélaginu Hringnum sem var stofnað árið 1904. Félagið  hefur að  markmiði að vinna að líknar- og mannúðarmálum, sérstaklega í þágu barna. Aðalverkefni félagsins um áratugaskeið hefur verið uppbygging Barnaspítala Hringsins.