Sjóvá og sjávarútvegurinn - Sjóvá

Sjávarútvegssýning

Sjóvá tekur þátt í Íslensku sjávarútvegssýningunni „Icefish 2024“ líkt og fyrri ár. Sýningin verður haldin dagana 18.-20. september og verðum við með veglegan sýningarbás í aðalbyggingu Smárans, í Kópavogi. Þar kynnir starfsfólk okkar þá yfirgripsmiklu tryggingavernd sem Sjóvá býður upp á og tilvalið fyrir þá sem starfa í greininni að ræða við ráðgjafa okkar.

Heiður Huld Hreiðarsdóttir, forstöðumaður fyrirtækjaráðgjafar hjá Sjóvá, um sýninguna í ár.

„Rætur Sjóvá má rekja til stofnunar Sjótryggingafélagsins árið 1918 og má því segja að Sjóvá byggi á um 100 ára reynslu í þjónustu við sjávarútveginn. Frá upphafi höfum við unnið af kappi með hinum ýmsu fyrirtækjum sem starfa í sjávarútvegi og veitt þeim faglega ráðgjöf um tryggingavernd, forvarnir og öryggismál. Á Íslensku sjávarútvegssýningunni í ár munum við kynna þær víðtæku tryggingar sem við bjóðum fyrirtækjum í sjávarútvegi, hitta okkar viðskiptavini og treysta böndin.“

Áralangt samstarf við Slysavarnafélagið Landsbjörg

Sjóvá hefur verið stoltur bakhjarl Slysavarnafélagsins Landsbjargar frá stofnun samtakanna árið 1999 og hafa félögin unnið náið saman að ýmsum öryggismálum og fjölbreyttum forvarnaverkefnum.

Nýlega styrkti Sjóvá félagið um 142,5 milljónir til kaupa á þremur nýjum skipum en Slysavarnafélagið Landsbjörg hefur ráðist í endurnýjun allra 13 björgunarskipa sinna. Fyrsta nýja björgunarskipið, Þór, kom til Vestmannaeyja í lok árs 2022. Annað björgunarskipið, Sigurvin, var afhent á Siglufirði í ársbyrjun 2023 og það þriðja, Jóhannes Briem, kom til Reykjavíkur í lok árs 2023. Skipin eru með ganghraða allt að 30 sjómílur og búin nútíma tæknibúnaði, hitamyndavél og botnsjá. Þau hafa þegar sannað gildi sitt og er hafin vinna við fjórða skipið. Við hjá Sjóvá erum afar stolt af því að geta stutt við þetta umfangsmikla og mikilvæga verkefni félaga okkar hjá Landsbjörg en nýju björgunarskipin tryggja stóraukið öryggi, bæði á sjó og landi.

Önnur samstarfsverkefni eru vefurinn SafeTravel.is og Hálendisvaktin þar sem hugað er að öryggi innlendra og erlendra ferðamanna. Sjóvá var einnig bakhjarl Landsbjargar við endurhönnun á Björgvinsbeltinu. Í kringum áramót hafa félögin unnið saman að forvörnum tengdum flugeldasölu, þar sem öryggisgleraugu hafa verið gefin og athygli vakin á mikilvægi þeirra. Þá höfum við unnið með Landsbjörg að Öryggisakademíunni og Slysavarnaskóla sjómanna.

Sjóvá tryggir einnig eignir og búnað björgunarsveita um allt land og sér til þess að björgunarfólk Landsbjargar, sem oft starfar við mjög erfiðar aðstæður, sé eins vel tryggt og kostur er.

Íslenskir sjómenn hafa getað treyst á Björgvinsbeltið í tæp 40 ár. Björgvinsbeltið er einfalt og fljótvirkt björgunartæki sem hentar vel í skip af öllum stærðum, við hafnir, sundlaugar, ár og vötn. Beltið er níðsterkt en mjög létt, sem gerir það að verkum að mögulegt er að kasta því lengra og af meiri nákvæmni en hefðbundnum björgunarhringjum. Við bestu aðstæður er hægt að ná mánneskju úr sjó á tveimur mínútum með beltinu. Þá er hægt að bjarga tveimur manneskjum í einu með beltinu.

Björgvin Sigurjónsson, stýrimaður og skipstjóri í Vestmannaeyjum, bjó til fyrsta beltið í lok níunda áratugarins og hefur það margsannað gildi sitt. Björgvinsbeltið var endurhannað fyrir nokkrum árum og fjármagnaði Sjóvá það verkefni fyrir hönd Landsbjargar. Nýja beltið er framleitt úr enn sterkara og veðurþolnara efni en fyrirrennari þess auk þess sem bætt hefur verið á það endurskinsmerkjum, ljósi og flautu.

Árið 2016 settu Sjóvá, Landsbjörg og Vegagerðin upp 100 Björgvinsbelti við sjó, ár og vötn á vinsælum ferðamannastöðum víða um land. Beltið er einnig að finna í mörgum skipum og bátum,

Slysavarnafélagið Landsbjörg er söluaðili Björgvinsbeltisins og rennur allur ágóði af sölunni í björgunarbátasjóð félagsins.

Sjótryggingar

Sjóvátryggingafélag Íslands hf. var stofnað árið 1918 og má því segja að Sjóvá byggi á um 100 ára reynslu í þjónustu við sjávarútveginn. Sjóvá býður upp á áhafnatryggingu sem er samsett úr þeim tryggingum sem tengjast áhöfn, húftryggingar fyrir allar tegundir báta og skipa, nótatryggingu, afla- og veiðafæratryggingu og farmtryggingar.

Líf og heilsa

Heimilistryggingar

Ökutækjatryggingar

Stofn

Ferðatryggingar

Gott að vita

Skilmálar og eyðublöð

Forvarnir

Eignir

Starfsmenn

Ökutæki

Ábyrgð

Sjótryggingar

Tryggingar fyrir þinn rekstur

Þjónustan

Skilmálar og eyðublöð

Viðbrögð við tjóni

Þjónusta/upplýsingar

Forvarnir

Fréttir

Fjárfestar

Sjóvá

Vinnustaðurinn

Markaðsmál

Samfélagsleg ábyrgð

Öryggi og persónuvernd

Vinsælar leitir

Sjóvá og sjávarútvegur í áranna rás

Sjávarútvegssýning

Heiður Huld Hreiðarsdóttir, forstöðumaður fyrirtækjaráðgjafar hjá Sjóvá, um sýninguna í ár.

Áralangt samstarf við Slysavarnafélagið Landsbjörg

Björgvinsbeltið

Sjótryggingar

Fá tilboð í tryggingar

Tilkynna tjón

Hafðu samband

Gagnvirkar leiðir til að hafa samband

Mitt Sjóvá