Veðurofsinn - fylgjumst vel með

Veðurofsinn eins og hann var í gær hefur haft  gríðarlegt rask í för með sér eins og við höfum fundið fyrir um land allt. Útlit er fyrir að veðrið verði rysjótt áfram. Stormviðvörun er í gildi fyrir landið syðst í dag, 7.mars. Sjóvá hvetur landsmenn að fara varlega í vetrarfærðinni sem nú er og sýna þolinmæði og jákvæðni í umferðinni. Pössum uppá börnin okkar og hjálpum þeim úr bílunum, sérstaklega þegar skyggnið er slæmt og hvassviðri er. Verum vel búin og förum ekki af stað á vanbúnum farartækjum. Hér eru nokkur atriði sem vert er að huga að:

  • Er bíllinn á góðum vetrar -eða nagladekkjum?
  • Er búið að skafa bílinn áður en lagt er af stað?
  • Endurnýjaðu rúðuþurrkur ef við á.
  • Hreinsaðu tjöru af dekkjum, notaðu dekkjahreinsi.
  • Hafðu ávallt nægan rúðuvökva á bílnum.
  • Gakktu úr skugga um að ljósabúnaður sé í lagi á bílnum.
  • Passaðu uppá að ljósin séu ávallt kveikt.
  • Notaðu þokuljós í verstu vetrarhríðum.
  • Vertu vel skóaður, þú veist aldrei hvenær þú þarft að fara út úr bílnum í slæmu veðri.
  • Passaðu að allar rúður og hurðar á bílnum séu lokaðar og læstar þegar bíllinn er yfirgefinn.
  • Hafðu endurskinsvesti í bílnum.
  • Fylgstu vel með veðri og fjölmiðlum, sérstaklega þá daga þegar veðrið er slæmt.
SJ-WSEXTERNAL-2