Upplýsingar vegna stórbruna við Klettagarða

Birt í: Almennar fréttir / 24. nóv. 2004 / Fara aftur í fréttayfirlit

Tilkynna tjón. Við biðjum þá viðskiptavini sem hugsanlega hafa orðið fyrir tjóni vegna stórbrunans við Klettagarða að hafa samband við okkur í síma 440 2000 á opnunartíma og 800 7112 utan opnunartíma. Við skráum hugsanlegt tjón hjá okkur og komum til þín um leið og færi gefst. Einnig gefst viðskiptavinum færi á að tilkynna tjónið á netinu.

Til varnar frekara tjóni.
Til varnar frekara tjóni er fólk hvatt til að loftræsta vel íbúð og viðra innbú sé þess kostur.

Til Upplýsinga.
Til upplýsinga þá bætast skemmdir á heimilum vegna sóts og reyks úr tveim tryggingum:

  1. Lögboðin brunatrygging húseigna bætir skemmdir á húseign, föstum innréttingum, gólfefnum, loftum og veggjum.
  2. Fjölskyldutrygging bætir tjón á innbúi, fatnaði, mottum, húsgögnum, gardínum og slíku. Hjá fyrirtækjum bætist tjón á húseign úr lögboðinni brunatryggingu og tjón á lausafé úr lausafjártryggingu.

 

Ökutæki – skola fyrst og þvo svo.
Hugsanlegt tjón á ökutækjum vegna sóts og reyks bætist úr kaskótryggingu sé hún fyrir hendi. Í flestum tilvikum nægir að þvo sótið með bílasápu, en það sem skiptir mestu máli er að byrja á að skola yfirborð bílanna til að fyrirbyggja að korn og aðrir utanaðkomandi hlutir sem sitja í sótinu rispi lakkið. Þegar búið er að skola yfirborð bílanna er hægt að úða bílasápu eða hreinsi yfir bílinn og þvo síðan.

SJ-WSEXTERNAL-3