Starfsemi nýs vátryggingafélags hafin

Þann 22. september sl. heimilaði Fjármálaeftirlitið nýju vátryggingafélagi að taka við vátryggingastofni Sjóvá-Almennra trygginga hf.    Nýtt félag með kennitöluna 650909-1270 hefur í framhaldi af því tekið við öllum vátryggingum félagsins og öllum skuldbindingum vegna tjóna hvort sem þau urðu fyrir eða eftir umrædda dagsetningu.   Frétt á heimasíðu Fjármálaeftirlitsins má lesa hér .

Nýtt félag mun bera nafnið Sjóvá-Almennar tryggingar hf. og hafa öll vátryggingaviðskipti færst sjálfkrafa yfir nýs félags.   Rekstrarlegar skuldbindingar tengdar tryggingarekstrinum, t.a.m. samningar við alla þjónustuaðila, samningar vegna húsnæðis og lausafjár, starfsmannasamningar, hugverkaréttindi, markaðs- og styrktarsamningar og aðild dómsmála, voru með sérstökum yfirfærslusamningi færðir yfir til nýs félags og tekur það við öllum þeim skuldbindingum.

Eigendur nýs félags eru SAT eignarhaldsfélag hf. (sem er í eigu Glitnis banka hf.) og Íslandsbanki hf.  Stjórn nýs vátryggingafélags skipa Heimir V. Haraldsson stjórnarformaður, Þórólfur Jónsson, Erna Gísladóttir, Kristján Ragnarsson og Þórhildur Ólöf Helgadóttir.

SJ-WSEXTERNAL-2