Sjóvá styður Geðhjálp

Sjóvá styður Geðhjálp

Fimmtudaginn 8. desember sl. var hátíðarsamvera starfsmanna Sjóvár og fjölskyldna þeirra haldin í Háteigskirkju og er þetta er í fjórða sinn sem samveran er haldin.  Söngsystur Sjóvá og Drengjakór félagsins buðu uppá lauflétta söngdagskrá með fallegum jólalögum.  Sérstakur gestur í ár var Andrea Gylfadóttir söngkona, sem söng jólalög eins og henni einni er lagið.

 
Á samverustundinni hefur skapast hefð fyrir því að afhenda góðgerðar- eða líknarfélagi fjárstyrk sem nemur sparnaði Sjóvá við að senda eingöngu rafræn jólakort á viðskiptavini í stað jólakorta á pappír.  Í ár var það Geðhjálp sem fékk framlagið og afhennti Hermann Björnsson forstjóri Björtu Ólafsdóttur formanni Geðhjálpar styrkinn.
 
Þess má geta að Sjóvá er eitt þeirra fyrirtækja sem tekur þátt í verkefninu Geðveik Jól 2011 sem er skemmtlegt verkefni sem Geðhjálp stendur að. 
 
Á myndinni eru Víkingur Viðarsson frá Drengjakór Sjóvá, Björt Ólafsdóttir formaður Geðhjálpar og Hermann Björnsson forstjóri Sjóvá.
SJ-WSEXTERNAL-2