Lögreglustjóri heiðraður

Lögreglustjóri heiðraður

Stefán Eiríksson, lögreglustjórinn á höfuðborgarsvæðinu, hlýtur Heiðursskjöld Sjóvár árið 2008. 

Heiðursskjöldurinn er veittur þeim einstaklingum, félagasamtökum eða stofnunum sem þykja vinna framúrskarandi starf almenningi til heilla.
Stefán Eiríksson hefur sem lögreglustjóri komið með ferskleika, metnað og kraft í starf lögreglunnar. Hann hefur aukið mjög sýnileika lögreglunnar sem hefur ótvírætt gildi fyrir öryggi borgaranna og hefur sú áhersla borið sýnilegan árangur. Hann hefur einnig beitt sér fyrir auknu umferðaröryggi í sínu umdæmi, m.a. með frumkvæði að stofnun samstarfshóps um umferðaröryggi. Sú vinna á mikinn þátt í umtalsverðri fækkun umferðarslysa á höfuðborgarsvæðinu sl. ár.


Við afhendinguna sagðist Stefán taka við viðurkenningunni fyrir hönd lögreglu höfuðborgarsvæðisins og væri þetta mikil hvatning fyrir þeirra starf.

SJ-WSEXTERNAL-2