Konur hlaupa saman þann 4. júní

Konur hlaupa saman þann 4. júní

Sjóvá áfram aðalstyrktaraðili Kvennhlaups ÍSÍ

Þann 4. júní n.k. munu íslenskar konur á öllum aldri reima á sig hlaupaskóna og taka þátt í Sjóvá Kvennahlaupi ÍSÍ. Hlaupið vekur jafnan mikla athygli en hlaupið er á yfir 90 stöðum bæði hér á landi og erlendis. Sjóvá hefur verið aðalbakhjarl hlaupsins í átján ár og nýlega var samstarfssamningurinn endurnýjaður til þriggja ára.

Meginmarkmið hlaupsins er að vekja og viðhalda áhuga kvenna á reglulegri hreyfingu, efla samstöðu, og einnig og ekki síst að vekja umræðu um íþróttir kvenna.  Í Kvennahlaupinu geta ömmur, mömmur, dætur og vinkonur tekið þátt í sama íþróttaviðburðinum, hver á sínum forsendum.

Sjóvá-Almennar tryggingar hf. hafa verið aðalstyrktaraðili Kvennahlaupsins undanfarin átján ár, eða allt frá 1993, og hefur félagið því tekið virkan þátt í heilsueflingu tugþúsunda kvenna. Nú hafa Íþrótta- og ólympíusamband Íslands og Sjóvá endurnýjað samstarfssamning um kvennahlaupið til næstu þriggja ára. Því verður Sjóvá áfram aðalbakjarl kvennahlaupsins, sem ber heitið Sjóvá Kvennahlaup ÍSÍ.

Nánari upplýsingar gefa Sigurjón Andrésson markaðsstjóri Sjóvár í síma 440-2000, sand@sjova.is eða Kristín Lilja Friðriksdóttir verkefnisstjóri almenningsíþróttasviðs ÍSÍ í síma 514-4000, kristin@isi.is

Meðfylgjandi mynd er frá undirskrift samstarfssamningsins og á henni eru frá vinstri:
Líney Rut Halldórsdóttir, framkvæmdastjóri ÍSÍ, Auður Daníelsdóttir, framkvæmdastjóri hjá Sjóvá, Ingibjörg Bergrós Jóhannesdóttir, formaður kvennahlaupsnefndar ÍSÍ, og Ágústa B. Bjarnadóttir, mannauðsstjóri hjá Sjóvá ásamt dóttur sinni.
Smelltu hérna til að skoða heimasíðu hlaupsins.
SJ-WSEXTERNAL-2