Breytingar á iðgjöldum ökutækja

Birt í: Almennar fréttir / 28. nóv. 2005 / Fara aftur í fréttayfirlit

Frá og með 1. janúar nk. munu iðgjöld lögboðinna ökutækjatrygginga hjá félaginu hækka um 4% en jafnframt munu iðgjöld kaskótrygginga lækka um 2%.


Þá hækka iðgjöld lögboðinna ökutækjatrygginga einkabifreiða sem skráðar eru utan höfuðborgarsvæðisins og Akureyrar um 7% og 9% eftir því hvar á landinu bifreiðin er skráð.Ofangreindar breytingar á ökutækjatryggingum eru gerðar í kjölfar skoðunar á afkomu þeirra. Afkoma lögboðinna ökutækjatrygginga hefur versnað til muna undanfarin ár. Aftur á móti hefur afkoma kaskótrygginga batnað á síðustu árum og því lækka þau iðgjöld.

Iðgjöld lögboðinna ökutækjatrygginga á landsbyggðinni hafa að jafnaði verið lægri en á höfuðborgarsvæðinu. Samanburður á tjónakostnaði og iðgjöldum sýnir að afkoman á landsbyggðinni réttlætir ekki þann mismun sem verið hefur á iðgjöldum þar og á höfuðborgarsvæðinu og Akureyri og því eru iðgjöld á þessum svæðum hækkuð umfram almennar iðgjaldahækkanir.


Viðskiptavinir í Stofni njóta ávallt hagstæðustu kjara hjá félaginu, bæði í formi afslátta og ýmissa fríðinda. Iðgjöld viðskiptavina með lögboðnar ökutækjatryggingar og kaskótryggingu hækka að jafnaði á ári eins og hér segir:

  Viðskiptavinir í Stofni Viðskiptavinir ekki í Stofni
Höfuðborgarsvæðið og Akureyri 1.712 kr. 2.088 kr.
Þéttbýliskjarnar á landsbyggðinni 4.647 kr. 5.667 kr.
Dreifbýli 4.083 kr. 4.979 kr.
SJ-WSEXTERNAL-3