Sjóvá: Uppgjör fyrsta ársfjórðungs 2020 verður birt fimmtudaginn 14. maí - rafrænn kynningarfundur sama dag

Sjóvá-Almennar tryggingar hf. birtir afkomu fyrsta ársfjórðungs ársins 2020 fimmtudaginn 14. maí nk., eftir lokun markaða.

Rafrænn fjárfestafundur 14. maí kl. 16:15 (ATH: aðeins hægt að fylgjast með fundinum í gegnum streymi)

Markaðsaðilum og fjárfestum er boðið að fylgjast með beinni útsendingu af fundinum þar sem Hermann Björnsson forstjóri mun kynna afkomu félagsins á fyrsta ársfjórðungi. Í ljósi aðstæðna verður fundurinn ekki opinn fjárfestum og markaðsaðilum en vilji aðilar bera upp spurningar sem tengjast uppgjörinu má senda þær á netfangið fjarfestar@sjova.is á meðan á útsendingu stendur og verður þeim svarað í lok fundarins.

Fundinum verður vefvarpað beint á slóðinni https://youtu.be/4yxPPhk9V98

Kynning á uppgjörinu verður aðgengileg á vef Sjóvár www.sjova.is/fjarfestar frá þeim tíma er kynningarfundurinn hefst og verður upptaka af fundinum aðgengileg á sömu síðu að fundi loknum.

SJ-WSEXTERNAL-3