• Maki eða sambýlismaki þinn og ógift börn ykkar, að því gefnu að þið eigið sameiginlegt lögheimili hér á landi, búið á sama stað og hafið sameiginlegt heimilishald.
• Börn þín og maka þíns eða sambýlismaka sem eru yngri en 18 ára og eiga lögheimili hér á landi annars staðar en hjá ykkur. Athugið að börn sem eru með lögheimili annars staðar eru aðeins tryggð ef þau falla ekki undir fjölskyldu- og heimilistryggingu þar sem þau eiga lögheimili.
• Maki þinn sem á lögheimili hér á landi annars staðar en þú. Það á þó ekki við ef þið hafið skilið að borði og sæng.

Meðal þess sem hefur áhrif á verð tryggingarinnar er hversu hátt þú velur að hafa innbúsverðmæti þitt, það er fyrir hversu háa fjárhæð þú velur að tryggja innbúið þitt fyrir.

Þá hækkar verð tryggingarinnar ef þú velur að bæta við innbúskaskó eða slysatryggingu í frítíma í Fjölskylduvernd 1, eða ferðavernd við Fjölskylduvernd 2 eða 3 .

Viðskiptavinir í vildarþjónustunni okkar Stofni fá afslátt af iðgjaldi og tjónlausir og skilvísir viðskiptavinir í Stofni fá einnig endurgreiðslu af iðgjaldinu.

Innbú er það sem þú flytur með þér þegar þú flytur, eins og húsgögn, fatnaður, leirtau og skrautmunir, en ekki það sem þú skilur eftir, eins og gólfefni og innréttingar.

Mikilvægt er að áætla verðmæti innbúsins rétt þannig að bæturnar sem yrðu greiddar vegna tjóns væru í samræmi við raunverulegt verðmæti innbúsins.

Innbú samanstendur þannig af hlutum sem fólk kaupir sér vanalega einn af öðrum og þess vegna er algengt að fólk geri sér ekki grein fyrir heildarverðmæti þess. Það er hins vegar mikilvægt að áætla innbúsverðmætið rétt, því ef alvarlegt tjón verður getur þú lent í þeirri stöðu að þurfa að kaupa nýtt innbú á einu bretti.

Best er að fara yfir innbúið herbergi fyrir herbergi og leggja saman hvað hlutirnir sem eru þar kosta. Þannig er hægt að minnka líkurnar á að þú vanmetir verðmæti innbúsins þíns.

Já, það er nauðsynlegt að gera það reglulega.

Oft eignumst við fleiri og verðmætari hluti með árunum, til dæmis þegar það fjölgar á heimilinu, þegar við flytjum í stærra húsnæði eða við fáum veglegar gjafir. Þegar fólk minnkar síðan við sig á efri árum getur líka verið að ástæða sé til að yfirfara verðmætið enn á ný.

Ef þú vilt breyta innbúsverðmætinu í Fjölskylduverndinni þinni þá endilega hafðu samband við okkur í síma 440 2000, í netspjallinu eða með tölvupósti á sjova@sjova.is

Verðmæta hluti ætti alltaf að tryggja sérstaklega. Það á til dæmis við um dýran tómstundarbúnað eins og reiðhjól, golfbúnað og myndavélar, verðmæt málverk og skartgripi.

Þetta er vegna þess að Fjölskylduvernd tryggir suma hluti upp að ákveðnu hámarki. Þannig eru úr og skartgripir tryggðir að hámarki fyrir 5% af verðmæti innbúsins. Hámarksbætur vegna innbrota og skemmdarverka ef brotist er inn í geymslu utan íbúðar, bílskúra eða bíla er 5% af verðmæti innbús.

Ef þú átt verðmæta hluti sem eru að staðaldri geymdir utan heimilis þá þarf einnig að tryggja þá sérstaklega. Hlutir eins og málverk, tölvur, myndavélar, hljómtæki, sjónvörp og slíkt eru til dæmis ekki tryggðir fyrir innbrotum og skemmdarverkum séu þau geymd í geymslum utan íbúðar, bílskúrum eða bílum.

Þú getur alltaf haft samband við okkur til að tryggja þessa hluti, með því að hringja í 440 2000, heyra í okkur á netspjallinu eða senda tölvupóst á sjova@sjova.is.

Slysatrygging í frítíma er innifalin í Fjölskylduvernd 2 og 3 og er hægt að bæta henni við Fjölskylduvernd 1.

Slysatrygging í frítíma er mjög víðtæk slysatrygging sem greiðir bætur vegna slysa sem þau sem falla undir trygginguna verða fyrir í frístundum, við heimilisstörf, nám eða almennar íþróttaiðkanir.

Það er hins vegar mikilvægt að kynna sér hvað er undanskilið í tryggingunni. Til dæmis eru slys sem 16 ára og eldri verða fyrir í keppni eða við æfingar fyrir keppni í afreksíþróttum ekki bætt úr slysatryggingu í frítíma. Þá eru áhættusamari tómstundir líka undanskildar í tryggingunni, eins og akstursíþróttir, fjalla-, kletta- og ísklifur, bjargsig, kajakferðir, köfun, fallhlífar- og teygjustökk, sem dæmi.

Nánari upplýsingar um hvað er undanskilið í tryggingunni er að finna í skilmála hennar. Hægt er að tryggja sig sérstaklega fyrir þeim þáttum með Almennri slysatryggingu eða Sjúkra- og slysatryggingu, en seinni kosturinn getur til dæmis hentað þeim sem eru sjálfstætt starfandi.

Ferðavernd er ferðatrygging sem hægt er að láta fylgja Fjölskylduvernd 2 eða 3. Tryggingin gildir á ferðalagi erlendis í allt að 92 daga samfellt og tryggir fjölskylduna fyrir ýmsum kostnaði sem getur fylgt slysum eða veikindum sem upp koma á ferðalögum eða ef tjón verður á farangri.

Mörg eru með góðar ferðatryggingar í gegnum kreditkort sín og því mælum við með að þú skoðir hvort þú sért með slíkar tryggingar og hvað þær innifela.

Ef þú ert að skipuleggja ferð sem er lengri en tímabilið sem Ferðavernd eða kortatryggingar þínar ná yfir, þá mælum við með að þú hafir samband við okkur til að kaupa sérstaka ferðatryggingu. Það sama á við ef þú ætlar að stunda íþróttir eða tómstundir sem fela í sér sérstaka áhættu og eru þar með undanskildar í Ferðavernd eða öðrum ferðatryggingum.

Nánari upplýsingar um Ferðavernd er að finna í skilmálum Fjölskylduverndar 2 og 3.

Nánari upplýsingar um skilmála kortatrygginga er að finna hjá þínum viðskiptabanka.

• Sjá upplýsingar á vef Íslandsbanka
• Sjá upplýsingar á vef Arion
• Sjá upplýsingar á vef Landsbankans

Fjölskylduvernd 2 hentar þörfum langflestra og er sú heimilistrygging sem flestir viðskiptavinir okkar eru með, hvort sem þeir eiga stórt eða lítið heimili.

Ef þú ert að byrja að búa eða að minnka við þig getur verið að Fjölskylduvernd 1 henti þér, en hún innifelur ekki jafn mikið og Fjölskylduvernd 2 og er til dæmis ekki með slysatryggingu í frítíma eða ferðatryggingar, þó hægt sé að bæta þeim við hana.

Fjölskylduvernd 3 er síðan víðtækari en Fjölskylduvernd 2, meðal annars vegna þess að ábyrgðartryggingin í henni nær yfir fleiri tjón, hámarksbætur eru hærri og eigin áhættur lægri.