Ef þú ert að byrja að búa eða að minnka við þig gæti Fjölskylduvernd 1 verið heimilistryggingin fyrir þig. Hún er einföld og ódýr og innifelur góða innbús- og ábyrgðartryggingu.
Fjölskylduvernd 1 er ekki eins víðtæk og aðrar heimilistryggingar okkar og innifelur ekki slysatryggingu í frítíma eða ferðatryggingar. Það er þó hægt að bæta þeim við fyrir þau sem vilja. Ef þú vilt bæta báðum þessum tryggingum við mælum við þó með að þú kaupir frekar Fjölskylduvernd 2.
Fjölskylduvernd 1 er samsett trygging fyrir innbúið og fjölskylduna þína sem innifelur innbústryggingu og ábyrgðartryggingu. Þú getur líka bætt við innbúskaskó og slysatryggingu í frítíma.
Hvað er tryggt? | Hvað er ekki tryggt? |
|---|---|
| Innbústrygging bætir tjón á innbúi: | Innbústrygging bætir ekki tjón vegna: |
Vegna bruna. | Bruna á því sem tilheyrir sjálfri fasteigninni, til dæmis tjón á gólfefnum, innréttingum og hurðum. |
Vegna vatns sem streymir úr leiðslum hússins. | Þjófnað úr íbúð sem skilin hefur verið eftir ólæst og mannlaus. |
Vegna innbrots, ráns eða þjófnaðar. | Vatns sem þrýstist upp úr skólpleiðslum nema það verði rakið til þess að leiðsla stíflast eða springur innanhúss. |
Ef matvæli í kæli- og frystiskápum skemmast vegna bilunar eða rafmagnsleysis. | |
| Ábyrgðartrygging bætir kostnað: | Ábyrgðartrygging bætir ekki kostnað sem fellur á þig: |
Vegna skaðabótaskyldu sem getur fallið á þig samkvæmt lögum. | Vegna skaðabótaskyldu sem myndast við atvinnu þína. |
Sem þú þarft að greiða vegna tjóns sem börn þín yngri en 10 ára valda þó svo að þau teljist ekki skaðabótaskyld vegna aldurs. | Vegna tjóna á hlutum sem þú hefur á leigu eða að láni. |
| Innbúskaskó (valkvæð trygging) bætir tjón á innbúi: | Innbúskaskó bætir ekki: |
Vegna skyndilegra, utanaðkomandi orsaka. | Framleiðslu- og útlitsgalla. |
| Slysatrygging í frítíma (valkvæð trygging) greiðir bætur vegna: | Slysatrygging í frítíma greiðir ekki bætur vegna: |
Slysa sem verða í frítíma þínum. | Slysa sem verða við fjallaklifur eða köfun. |
Slysa sem verða við keppni í íþróttum þar sem almenningi gefst kostur á þátttöku án kröfu um lágmarksgetu og færni. | Slyss sem verða í vinnu eða á beinni leið á milli vinnustaðar og heimilis. |
Tryggingin bætir ekki tjón af völdum náttúruhamfara eða tjón sem orsakast af stríði, hryðjuverkum, mengun eða viðlíka atburðum.
Innbústrygging gildir á heimili þínu, sem skráð er á vátryggingaskírteinið.
Ábyrgðartrygging og Innbúskaskó gilda á Íslandi og á ferðalagi erlendis í allt að þrjá mánuði.
Slysatrygging í frítíma gildir hvar sem er í heiminum.
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. að dyr, gluggar og önnur op inn á vátryggingar- stað séu tryggilega læst og lyklar geymdir þannig að óviðkomandi hafi ekki aðgang að þeim.
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Tryggingin tekur gildi frá samþykkt tilboðs og endurnýjast árlega þar til henni er sagt upp.
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.
