Lífsviðburðir

Það er mikilvægt að tryggingarnar þínar endurspegli aðstæður og skuldbindingar þínar hverju sinni. Þegar það verða breytingar á högum þínum þarftu því að skoða hvort þú ættir að gera breytingar trygginverndinni, eins og þegar þú kaupir fasteign eða eignast barn.

Við höfum tekið saman helstu lífsviðburði sem kalla á að þú skoðir ákveðnar tryggingar og yfirfarir þær sem þú ert með fyrir.

Að verða 18 ára
Að kaupa bíl
Að flytja að heiman / kaupa fasteign
Að eignast barn
Að stækka við sig
Að minnka við sig

Að verða 18 ára

Sjúkdómatrygging – Við mælum með að þú kaupir Sjúkdómatryggingu þegar þú verður 18 ára (og þar með lögráða) því hún er bæði ódýrari og umsóknarferlið einfaldara því yngri sem þú ert. Með sjúkdómatryggingu tryggir þú þig fyrir tekjutapi og óvæntum kostnaði sem alvarleg veikindi geta haft í för með sér.
Snjalltrygging – Við mælum með að þú kaupir Snjalltryggingu fyrir snjalltækin þín (eins og til dæmis farsíma, spjaldtölvu, tölvu o.s.frv.). Í Snjalltryggingunni eru afskriftir hægari en í hefðbundnum fjölskyldutryggingum og eigin áhættan er lægri, sem þýðir að bæturnar sem þú færð eftir tjón geta verið hærri.

Að kaupa bíl

Ökutækjatrygging – Það er skylda að kaupa þessa tryggingu fyrir öll skráningarskyld vélknúin ökutæki og því nauðsynlegt að kaupa hana um leið og þú kaupir bíl. Þessi trygging innifelur ábyrgðartryggingu (fyrir slysum sem þú getur valdið öðrum) og slysatryggingu ökumanns og eiganda.
Kaskótrygging ökutækis – Þú skalt skoða hvort þú ættir mögulega að kaskótryggja bílinn líka. Algengt er að fólk kaskótryggi nýlega bíla og við bendum líka á að ef þú hefur tekið bílalán er líklegt að sá sem lánaði þér krefjist þess að þú gerir það. Kaskótrygging bætir skemmdir sem geta orðið á ökutækinu þínu.

Að flytja að heiman / kaupa fasteign

Brunatrygging húseigna – Það er skylda fyrir alla eigendur fasteigna að brunatryggja þær, hvort sem um er að ræða hús í byggingu eða fullbúið hús. Þú tekur ákvörðun um það hvar þú brunatryggir fasteignina þína um leið og þú skrifar undir kaupsamning.
Fjölskylduvernd – Þar sem þú fellur ekki undir fjölskyldutryggingu foreldra þinna lengur þegar þú flytur að heiman þá mælum við að þú kaupir Fjölskylduvernd, m.a. til að tryggja innbúið þitt og slysatryggja þig í frítíma. Þetta á líka við um þá sem eru að leigja húsnæði.
Fasteignatrygging – Þegar þú kaupir fasteign skaltu athuga hvort það sé sameiginleg fasteignatrygging í gildi, eins og oft er í fjölbýlishúsum. Ef svo er ekki þarftu að kaupa Fasteignatryggingu. Það þarftu líka að gera ef þú ert að kaupa sérbýli. Hún tryggir þig fyrir algengustu tjónum sem verða á íbúðarhúsnæði, öðrum en þeim sem brunatrygging húseigna tryggir þig fyrir.
Líf- og sjúkdómatrygging – Ef þú ert ekki með líf- og sjúkdómatryggingu þá mælum við með að þú takir hana þegar þú kaupir þér fasteign, því þá hefur myndast enn meiri þörf fyrir þær tryggingar. Þá getur þú mætt óvæntum áföllum og staðið við fjárhagslegar skuldbindingar, eins og afborganir af fasteignalánum. Ef þú ert með líf- og sjúkdómatryggingu ráðleggjum við þér að fara yfir þær og skoða hvort hækka þurfi fjárhæðirnar í þeim svo þær endurspegli aðstæður þínar.

Að eignast barn

Barnatrygging – Við mælum með að þú kaupir barnatryggingu fyrir hvert barn sem þú eignast, en sú trygging er fyrir börn frá 1 mánaða til 20 ára. Hún verndar barnið m.a. fyrir framtíðartekjutapi sem slys og alvarlegir sjúkdómar geta valdið og kemur til móts við tekjumissi og ófyrirséðan kostnað foreldra vegna veikinda barna.
Líf- og sjúkdómatrygging – Ef þú ert ekki með líf- og sjúkdómatryggingu þá mælum við með að þú takir hana þegar þú átt von á barni. Með því getur þú tryggt fjárhagslegt öryggi fjölskyldu þinnar þó óvænt áföll komi upp. Ef þú ert með líf- og sjúkdómatryggingu ráðleggjum við þér að fara yfir þær og skoða hvort hækka þurfi fjárhæðirnar í þeim svo þær endurspegli aðstæður þínar og fjölskyldu þinnar.

Að stækka við sig

Fjölskylduvernd – Ef þú ert ekki með Fjölskylduvernd mælum við með að þú kaupir þá tryggingu. Ef þú ert með hana nú þegar þá ráðleggjum við þér að fara yfir hvort innbúsverðmætið endurspeglar enn innbúið þitt eins og það er núna. Það er líklegt að með tímanum hafir þú bætt við innbúið, og þá jafnvel dýrari hlutum en áður. Þá er ástæða til að hækka innbúsverðmætið í samræmi við það. Mundu líka að láta okkur vita af því að þú sért að færa lögheimilið þitt þegar þú flytur, þannig að það sé rétt á tryggingaskírteininu þínu.
Fasteignatrygging – Ef þú ert að flytja úr fjölbýli í sérbýli þarftu að kaupa Fasteignatryggingu. Ef þú ert að flytja á milli fjölbýlishúsa þá ráðleggjum við þér líka að athuga hvort það sé sameiginleg fasteignatrygging í gildi, eins og oft er í fjölbýlishúsum. Ef svo er ekki þarftu að kaupa Fasteignatryggingu. Ef þú þarft Fasteignatryggingu á nýja heimilinu en varst með slíka tryggingu á því gamla þá þarf að gefa út nýja tryggingu (þú getur s.s. ekki flutt hana með þér eins og Fjölskylduverndina). Fasteignatrygging tryggir þig fyrir algengustu tjónum sem verða á íbúðarhúsnæði, öðrum en þeim sem brunatrygging húseigna tryggir þig fyrir.
Brunatrygging húseigna – Það er skylda fyrir alla eigendur fasteigna að brunatryggja þær, hvort sem um er að ræða hús í byggingu eða fullbúið hús. Þú tekur ákvörðun um það hvar þú brunatryggir fasteignina þína um leið og þú skrifar undir kaupsamning.

Að minnka við sig

Fjölskylduvernd – Við mælum með að þú farir yfir innbúsverðmætið í Fjölskylduverndinni þinni og skoðir hvort það endurspeglar enn aðstæður þínar. Þegar fólk minnkar við sig þá er þá flytur það oft aðeins hluta af innbúinu með sér og því mögulega ástæða til að lækka fjárhæðina í samræmi við það. Mundu líka að láta okkur vita af því að þú sért að færa lögheimilið þitt þegar þú flytur, þannig að það sé rétt á tryggingaskírteininu þínu.
Fasteignatrygging – Ef þú ert að flytja í fjölbýli skaltu athuga hvort það er ekki sameiginleg fasteignatrygging í húsinu. Ef svo er ekki þarftu að kaupa Fasteignatryggingu, og það þarftu líka að gera ef þú ert að flytja í sérbýli. Ef þú þarft Fasteignatryggingu á nýja heimilinu en varst með slíka tryggingu á því gamla þá þarf að gefa út nýja tryggingu (þú getur s.s. ekki flutt hana með þér eins og Fjölskylduverndina). Fasteignatryggingin tryggir þig fyrir algengustu tjónum sem verða á íbúðarhúsnæði, öðrum en þeim sem brunatrygging húseigna tryggir þig fyrir.
Brunatrygging húseigna – Það er skylda fyrir alla eigendur fasteigna að brunatryggja þær, hvort sem um er að ræða hús í byggingu eða fullbúið hús. Þú tekur ákvörðun um það hvar þú brunatryggir fasteignina þína um leið og þú skrifar undir kaupsamning.

Tilkynna tjón