Heimilis­trygging

Innbústryggingin bætir fjárhagslegt tjón á búslóðinni þinni – allt frá húsgögnum og raftækjum til fatnaðar, skartgripa, tómstundabúnaðar og persónulegra muna sem þú og fjölskyldan eigið og notið heima. Hún nær einnig til reiðhjóla, smáfarartækja og annarra óskráningarskyldra ökutækja til einkanota.

Hluti innbústryggingarinnar er aláhættutrygging (innbúskaskó) sem bætir öll tjón sem verða af skyndilegri og utanaðkomandi orsök nema þau séu sérstaklega undanskilin. Hefðbundnari eignatryggingar bæta aðeins fyrirfram skilgreindar tjónsorsakir. Vægi og fjárhæð innbúskaskó hefur aukist verulega í Heimilistryggingu og bætir hún langflest algengustu tjón. Stærri tjón eru síðan bætt í eftirfarandi tilvikum eins og fram kemur í skilmála tryggingarinnar:

• Bruni og eldingar
• Vatnstjón vegna leka úr lögnum eða tækjum
• Innbrot og skemmdarverk
• Veður t.d. óveður, skýfall eða snjóþungi

Ef þú þarft tímabundið að flytja af heimilinu eftir bótaskylt tjón, greiðir tryggingin einnig nauðsynlegan aukakostnað, t.d. fyrir tímabundna húsaleigu. Athugið: Tryggingin nær ekki til dýra, skráningarskyldra ökutækja, báta og sambærilegra tækja. Þó fellur undir trygginguna einn umgangur sumar- eða vetrardekkja, felgur og varahlutir fyrir hvern einkabíl tryggðra á heimilinu, sem geymdir eru í bílskúr eða annarri geymslu, auk barnabílstóla, þverboga, skíða- og hjólafestinga og farangursboxa.

Ef þú verður fyrir því óláni að skemma eigur annarra eða jafnvel slasa einhvern getur þú þurft að greiða viðkomandi háar skaðabætur. Ábyrgðartrygging bætir skaðann fyrir þig ef þú ert skaðabótaskyldur og félagið gætir þinna hagsmuna gagnvart þeim sem gera á þig óréttmætar kröfur.

Ef barnið þitt, sem er yngra en 10 ára, veldur öðrum tjóni bætum við tjónið  í flestum tilvikum, þótt barnið sé ekki skaðabótaskylt vegna aldurs.

Þessi trygging veitir fjárhagslegan stuðning ef vátryggður þarf að leggjast inn á sjúkrahús vegna veikinda eða slyss, hvort sem er á Íslandi eða erlendis

Bætur greiðast þegar sjúkrahúsdvölin hefur staðið yfir a.m.k. þann biðtíma sem fram kemur á tryggingarskírteininu og ekki lengur en þann hámarkstíma sem þar er tilgreindur. Tryggingin gildir fyrir fólk yngra en 65 ára.

Aðstoð þegar áfall dynur yfir

Við vitum að áföll geta haft mikil áhrif á andlega líðan. Áfallahjálp er trygging sem veitir þér stuðning í formi samtalsmeðferðar hjá sérhæfðum heilbrigðisstarfsmanni þegar þú þarft mest á honum að halda.

Þú átt rétt á slíkri aðstoð ef þú upplifir andleg einkenni eftir neðangreind atvik sem eru bótaskyld úr tryggingu hjá Sjóvá t.d. úr Heimilistryggingu, Fasteignatryggingu, Líftryggingu, Sjúkdómatryggingu eða Barnatryggingu:

• Innbrot á heimili þínu.
• Bruna- eða vatnstjón sem veldur verulegu eignatjóni.
• Rán, þar sem beitt er líkamlegu ofbeldi eða hótun um ofbeldi.
• Andlát, alvarlegt slys eða alvarleg veikindi hjá vátryggðum fjölskyldumeðlim.

Hvernig virkar Áfallahjálp?

• Meðferðin þarf að hefjast innan 6 mánaða frá tjónsdegi.
• Hún er eingöngu ætluð til að vinna úr þeim andlegu einkennum sem komu fram í kjölfar atburðarins.
• Markmiðið er að hjálpa þér að ná jafnvægi á ný eftir erfitt áfall.

Réttaraðstoðartryggingin hjálpar þér ef upp kemur ágreiningur sem þarf að leysa úr fyrir dómstólum hér á landi. Hún endurgreiðir þér málskostnað í einkamálum á hvaða dómstigi sem er, hvort sem þú ert að sækja mál eða verjast að því marki sem þú getur ekki fengið málskostnaðinn greiddan frá gagnaðila. Tryggingin tekur ekki til sakamála.

Skilyrði fyrir greiðslu

• Tryggingin þarf að vera í gildi þegar dómsmálið er höfðað og auk þess þarf sambærileg trygging að hafa verið í gildi í 2 á ár áður en ágreiningurinn kom upp eða að atvikið sem ágreiningurinn snýst um hafa orðið á gildistíma tryggingarinnar.
• Vátryggingartaki velur og ræður lögmann að eigin vali til að taka málið að sér áður en félagið tekur afstöðu til bótaréttar.
• Ekki má stofna til kostnaðar fyrr en félagið hefur staðfest bótarétt, nema þegar þarf að bregðast strax við.
• Bætur eru fyrst greiddar eftir að dómsmálinu er endanlega lokið með úrskurði eða dómi því málskostnaður liggur ekki fyrr fyrir.

Í þessari tryggingu berð þú 20% af málskostnaðinum sjálfur, þó með því lágmarki sem þú hefur valið sem eigin áhættu í tryggingunni. Tryggingafjárhæðir eru takmarkaðar í tilvikum þar sem fleiri standa saman að málarekstri (t.d. í hópmálsóknum) og í málum sem enda með sátt, en í slíkum málum er kostnaður yfirleitt minni.

Slysatryggingin fylgir þér hvort sem þú ert heima, á ferðalagi eða í frístundum. Ef hún fylgir með getur þú valið um hefðbundnar fjárhæðir eða hærri fjárhæðir. Ef þú vilt góða slysatryggingu fyrir þig og fjölskylduna mælum við með hefðbundnum fjárhæðum.  Ef þú vilt öflugri slysatryggingu fyrir þig og fjölskylduna mælum við með hærri fjárhæðum.

Slysatrygging í frítíma gildir einnig fyrir námsmenn sem búa tímabundið fjarri heimili í allt að 9 mánuði, svo lengi sem lögheimili er áfram á Íslandi.

Tryggingin veitir fjárhagslegan stuðning ef þú slasast utan vinnutíma, m.a. við heimilisstörf, nám eða iðkun almennra íþrótta eða tómstunda. Bætur eru greiddar vegna:

• Sjúkrakostnaðar innanlands – svo sem læknismeðferðar, rannsókna, lyfja, sjúkraflutninga, endurhæfingar og nauðsynlegs ferðakostnaðar. Fjárhæð sjúkrakostnaðar hefur verið aukin verulega með nýju Heimilistryggingunni.
• Tannlæknakostnaður ef tennur brotna við slys, hvort sem um er að ræða eigin tennur eða gervitennur.
• Varanlegra afleiðinga af slysi (örorku).
• Andláts af völdum slyss.

Beinbrota- og liðbandavernd er nýjung á Íslandi. Hún virkar þannig að ef þú beinbrotnar eða slítur sin, liðband eða hásin geturðu fengið fyrirframgreiðslu á hluta sjúkrakostnaðar (25%) án þess að framvísa kvittunum.

Ef slysið hefur varanleg áhrif á færni þína getur tryggingin einnig greitt kostnað við nauðsynlegar breytingar á heimili, samkvæmt samráði við félagið.

Ferðaverndin hjálpar þér þegar óvænt veikindi eða slys raska ferðalaginu. Hún gildir í orlofs- og frístundaferðum erlendis og bætir útgjöld sem verða til vegna:

• Sjúkrakostnaðar og bráðaþjónustu.
• Aukakostnaðar við gistingu og heimferð ef lengja þarf ferðina.
• Fylgdaraðstoðar ef þú þarft aðstoð eða fylgd vegna slyss eða veikinda.
• Endurgreiðslu hluta ferðar ef þú þarft að stytta ferð eða koma fyrr heim.
• Viðbótarútgjalda við að fara fyrr heim úr ferð vegna andláts, slyss eða alvarlegra veikinda nákomins ættingja á Íslandi eða verulegs eignatjóns á heimilinu.
• Forfalla ef þú kemst ekki í ferðina vegna veikinda, slyss eða annarra tilgreindra atvika.
• Tafa á því að farangur berist á áfangastað í ferðalaginu.

Ferðarvernd tekur einnig mið af því sem ferðin snerist um. Ef þú getur ekki tekið þátt í afþreyingu eða tómstundum sem voru megintilgangur ferðarinnar vegna alvarlegra veikinda eða meiðsla færðu endurgreiddan þann hluta kostnaðar sem þú getur ekki nýtt.

Ef þú þarft að rjúfa ferðina eða koma fyrr heim, endurgreiðir tryggingin þann ferðakostnað sem ónýttist, bæði vegna þín og þeirra fjölskyldumeðlima sem falla undir trygginguna og þurftu að fylgja þér heim.

Þau sem eru tryggð í Heimilistryggingu eru: 

• Þú, maki þinn og ógift börn sem eru með sama lögheimili og þú og búa á heimilinu. 
• Börnin þín og maka þíns, yngri en 18 ára sem eiga lögheimili annars staðar á Íslandi og búa ekki hjá þér, séu þau ekki tryggð þar sem þau eiga lögheimili. 
• Maki þinn sem er með lögheimili annars staðar en þú, á Íslandi. 
• Undir trygginguna falla einnig börn yngri en 20 ára sem búa tímabundið annarsstaðar á Íslandi vegna framhaldsskólanáms ef þau halda sama lögheimili og vátryggingartaki.

• Upphæðin sem þú greiðir ef tjón verður kallast eigin áhætta. Þú getur haft áhrif á hvað þín Heimilistrygging kostar með því að velja upphæð eigin áhættu sem hentar þér. Þrír valmöguleikar eru í boði: 
• • 35.000 kr.*
  • 65.000 kr. (allt að 10% lækkun á iðgjaldi)*
  • 95.000 kr. (allt að 20% lækkun á iðgjaldi)*

*Eigin áhætta uppfærist samkvæmt vísitölu. 

• Hægt er að kaupa Heimilistryggingu með eða án Slysatryggingar í frítíma. Við mælum þó alltaf með slysatryggingu fyrir þau sem vilja vera vel tryggð í sínum frítíma. Ef hún fylgir með getur þú valið um hefðbundnar fjárhæðir eða hærri fjárhæðir í sjúkrakostnaði, örorku- og dánarbótum. Slysatrygging með hefðbundnum fjárhæðum er góð vernd sem hentar flestum. Með því að velja hærri fjárhæðir færðu betri slysatryggingu gegn auka gjaldi. 
• Ferðavernd er ferðatrygging sem þú getur keypt sem viðbót við Heimilistryggingu. Tryggingin gildir á ferðalagi erlendis í allt að 92 daga samfellt og tryggir fjölskylduna fyrir ýmsum kostnaði sem getur fylgt slysum eða veikindum sem upp koma á ferðalögum. Verðið lækkar ef Ferðavernd er ekki valin. Við mælum með að þú kannir hvort þú sért með góða ferðatryggingu í gegnum kreditkort áður en þú ákveður að sleppa Ferðavernd. 

Innbú er það sem þú tekur með þér þegar þú flytur, eins og húsgögn, fatnaður, leirtau og skrautmunir, en ekki það sem þú skilur eftir, eins og gólfefni og innréttingar. Mikilvægt er að áætla verðmæti innbúsins rétt þannig að bæturnar sem yrðu greiddar vegna tjóns væru í samræmi við raunverulegt verðmæti innbúsins.

Innbú samanstendur þannig af hlutum sem fólk kaupir sér vanalega einn af öðrum og þess vegna er algengt að fólk geri sér ekki grein fyrir heildarverðmæti þess. Mikilvægt er að innbúsverðmæti endurspegli raunverulegt virði innbús eins vel og mögulegt er því ef alvarlegt tjón verður getur þú lent í þeirri stöðu að þurfa að kaupa nýtt innbú á einu bretti. Best er að fara yfir innbúið herbergi fyrir herbergi og leggja saman hvað hlutirnir sem eru þar kosta. Þannig er hægt að minnka líkurnar á að þú vanmetir verðmæti innbúsins þíns.

Já, það er nauðsynlegt að gera það reglulega. Oft eignumst við fleiri og verðmætari hluti með árunum, til dæmis þegar það fjölgar á heimilinu, þegar við flytjum í stærra húsnæði eða við fáum veglegar gjafir. Þegar fólk minnkar síðan við sig á efri árum getur líka verið að ástæða sé til að yfirfara innbúsverðmætið enn á ný. Ef þú vilt breyta innbúsverðmætinu í heimilistryggingunni þinni þá endilega hafðu samband við okkur í síma 440 2000, á netspjallinu eða með tölvupósti á sjova@sjova.is

Já farangur er tryggður í innbústryggingu Heimilistryggingar fyrir hluta af innbúsverðmæti.