Það er mikilvægt að tilkynna öll tjón sem fyrst

Fyrstu viðbrögð

Tjón Tilkynning og neyðarþjónusta

Fyrstu viðbrögð við tjóni geta skipt miklu máli, bæði til að lágmarka skaðann og tryggja eigin öryggi og annarra.

Því fyrr sem þú tilkynnir tjónið því betri upplýsingar getur þú veitt og afgreiðsla málsins getur hafist hratt.

Tilkynna tjón

Viðbrögð við alvarlegum tilvikum

Slys, innbrot eða þjófnaður

Slys og veikindi erlendis

Viðbrögð við ýmsum tjónum

Veikindi og slys

Neyðartilvik – hringdu strax í 112

Ef um er að ræða alvarlegt slys eða skyndileg veikindi skaltu hringja í 112.
Ef grunur leikur á að lögbrot hafi verið framið, eins og til dæmis líkamsárás, skaltu líka hafa samband við lögreglu í 112.

Hvernig tilkynni ég tjónið?

Við ráðleggjum þér að tilkynna veikindi og slys við fyrsta hentugleika.
Tilkynna tjón hér.
Ef slys verður í vinnu þarf vinnuveitandi að tilkynna það til Sjúkratrygginga Íslands og til Vinnueftirlitsins. Ef alvarlegt slys verður þarf vinnuveitandi að tilkynna það til lögreglu og til Vinnueftirlitsins og láta gera vettvangsrannsókn innan sólarhrings.
Sjá nánar um viðbrögð við vinnuslysum.

Hvaða gögnum þarf ég að skila inn?

Þú þarft að fylla út umboð til gagnaöflunar sem er aftast í tilkynningarferlinu. Með því veitir þú okkur leyfi til að afla þeirra gagna sem nauðsynleg eru til að vinna málið áfram, s.s. frá læknum eða sjúkrastofnunum. Þú getur einnig fundið umboðið hér undir Umboð til gagnaöflunar vegna slyss/sjúkdóms og fyllt það út.
Gott er að halda utan um allar kostnaðarkvittanir vegna læknisheimsókna, lyfja eða annarra hluta sem tengjast tjóninu. Athugaðu að við greiðum ekki samkvæmt bankayfirliti heldur þurfum við að sjá hvað liggur að baki kostnaðinum.
Við mælum með að þú sendir okkur viðkvæm skjöl í gegnum rafræna gagnagátt. Með viðkvæmum skjölum er átt við skjöl sem innihalda persónuupplýsingar eins og læknabréf, vottorð, umsóknir og fleira. Til að geta notað þessa leið þarftu að hafa gild rafræn skilríki í farsíma.

Hver eru næstu skref?

Þegar búið er að tilkynna tjónið förum við yfir málið og köllum eftir nauðsynlegum gögnum frá þér, læknum eða öðrum aðilum sem tengjast tjóninu, ef þess þarf. Í kjölfarið metum við svo hvort tjónið sé bótaskylt. Gagnaöflun í slysamálum getur tekið nokkrar vikur.
Það getur tekið mislangan tíma frá því að slys verður þar til bótaskylda er ákveðin. Stundum getur tekið mjög langan tíma að meta afleiðingar slyssins, ef einhverjar eru. Þessi mál eru vissulega jafn misjöfn og þau eru mörg en þó er gott að hafa í huga að ferlið getur orðið lengra en í annars konar tjónum.

Hvað ef ég er með lögmann í málinu?

Ef þú hefur fengið þér lögmann er best að halda samskiptunum í gegnum hann. Þér er að sjálfsögðu velkomið að hafa samband við okkur en betra er að við eigum samskipti við sama aðilann í gegnum allt ferlið, til að hægt sé að koma í veg fyrir misskilning eða að upplýsingar skili sér ekki.

Veikindi og slys á ferðalögum erlendis eða tjón á farangri

Árekstrar og önnur ökutækjatjón

Á ég rétt á greiðslum eða bílaleigubíl á meðan bíllinn er í viðgerð?

Ef þú lendir í tjóni sem er bótaskylt úr kaskótryggingu og þú ert viðskiptavinur í Stofni áttu rétt á greiðslum vegna afnotamissis eða bílaleigubíl í A-flokki í allt að 7 daga, ef bíllinn er á verkstæði eða er óökufær.
Ef þú lendir í árekstri og sá sem ók á þig er tryggður hjá okkur getur þú líka átt rétt á greiðslum vegna afnotamissis eða bílaleigubíl ef ökutækið þitt er óökufært eða þarf að fara á verkstæði.
Athugaðu að miðað er við eðlilegan viðgerðartíma sem er yfirleitt 3-5 dagar. Ef viðgerðartíminn er lengri hafðu þá samband við okkur og við skoðum málið með þér.
Við getum ekki ábyrgst greiðslu fyrir afnotamissi eða bílaleigubíl fyrr en tjónstilkynning hefur borist okkur og búið er að ákveða bótaskyldu.
Þú getur séð hvort þú ert í Stofni á Mitt Sjóvá.

Hver er eigin áhættan mín?

Þú sérð upplýsingar um eigin áhættu þína á skírteini tryggingar þinnar á Mitt Sjóvá.

Slasaðist einhver í árekstrinum?

Ef einhver slasaðist er ekki nóg að merkja það í tjónstilkynninguna heldur verður að tilkynna slysatjónið sérstaklega líka. Þú finnur nánari upplýsingar um hvernig tilkynna á slysatjón undir Veikindi og slys hér fyrir ofan.

Ökutækið mitt var dregið í burtu – hvar er það?

Þegar ökutæki skemmast það mikið að ekki er hægt að keyra þau af árekstrarstað, þá eru þau í langflestum tilfellum flutt í Krók, Vesturhrauni 2, Garðabæ.    
Ef árekstur verður utan höfuðborgarsvæðisins eru ökutæki flutt í burtu af næsta dráttarbílaþjónustuaðila. Hafðu endilega samband við okkur í síma 440 2000 eða á netspjalli til þess að fá nánari upplýsingar.   
Ef ökutækið þitt hefur verið flutt í Krók munum við skoða ökutækið þar og hafa samband við þig eftir að við höfum fengið tjónstilkynninguna og metið bótaskyldu.   
Ef þú hefur ekkert heyrt frá okkur innan tveggja sólarhringa eftir að þú skilar tjónstilkynningunni, ekki hika við að hafa samband við okkur og athuga stöðuna.    
Athugið, ef lögreglan eða Aðstoð og Öryggi (arekstur.is) kom á staðinn getur það tekið nokkra virka daga fyrir okkur að fá tjónstilkynninguna senda frá þeim.

Skemmdir á bílrúðu

Tjón á fasteign

Tjón á innbúi og lausamunum

Veikindi og slys dýra

Tjón hjá fyrirtækjum, stofnunum eða sveitarfélögum

Tjón hjá húsfélögum

Afgreiðsla tjóna

Svör við algengum spurningum um afgreiðslu tjóna

Tilkynna tjón

Gagnagátt

440 2000

Netspjall

Neyðartilvik – hringdu í SOS International

Ef um alvarleg veikindi eða slys er að ræða mælum við með að þú hringir beint í SOS International neyðarþjónustuna í síma +45 70 10 50 50. Þjónusta SOS International felst meðal annars í að veita ráðgjöf, eiga samskipti við sjúkrastofnanir og aðstandendur auk þess að aðstoða við heimflutning ef þarf. Þú getur líka tilkynnt neyðartilvikið til SOS International rafrænt og komist hjá því að þurfa að bíða í símanum.
Tilkynna neyðartilvik rafrænt til SOS.
Sjá nánar um SOS International neyðarþjónustu.
Neyðartilvik eru alvarleg veikindi og slys sem krefjast innlagnar eða rannsókna á sjúkrastofnun. Þegar slíkt kemur upp skaltu leita til SOS International.

Minniháttar veikindi eða slys á ferðalögum erlendis

Ef þú þarft að leita til læknis vegna minniháttar veikinda eða slysa erlendis er einfaldast að greiða fyrir þjónustuna en halda vel utan um allar greiðslukvittanir vegna útlagðs læknis-, lyfja og sjúkrakostnaðar.
Minniháttar veikindi geta til dæmis verið kvef, hiti eða umgangspestir sem leita þarf læknisaðstoðar vegna. Minniháttar slys geta til dæmis verið minni skurðir sem sauma þarf á sjúkrastofnun.
Á þjónustuvef SOS International getur þú fundið upplýsingar um hvaða sjúkrastofnun er næst staðsetningu þinni, hvar sem þú ert í heiminum.
Fara á þjónustuvef SOS International.
Eftir ferðalagið tilkynnir þú tjónið hér á vef okkar með því að smella á Tilkynna tjón. Við þurfum að fá frumrit greiðslukvittana, vottorða, skýrslur og ferðagögn (farmiða/bókanir) til að geta tekið málið til afgreiðslu.
Athugaðu að eigin áhætta getur verið í ferðasjúkratryggingum.

Hvaða gögn þurfa að fylgja með þegar ég tilkynni tjónið?

Flugmiði eða ferðagögn
Sjúkragögn, t.d. vottorð frá lækni og/eða meðferðaraðila.
Kvittanir fyrir útlögðum kostnaði.
Lögregluskýrsla ef það á við.

Hvað ef ég forfallast og kemst ekki í fyrirhugaða ferð?

Ef þú kemst ekki í fyrirhugaða ferð gætir þú átt rétt á endurgreiðslu á fyrirframgreiddum kostnaði vegna ferðarinnar.
Byrjaðu á að tilkynna forföllin til ferðaskrifstofu eða farsala og athuga hvort þú eigir rétt á endurgreiðslu.
Við ráðleggjum þér að tilkynna tjónið fyrst og láta þá eftirfarandi gögn fylgja með tilkynningunni:
- Flugmiða eða ferðagögn.
- Staðfestingu á bókun frá ferðaskrifstofu eða farsala.
- Kvittanir fyrir ferða- og gistikostnaði.
- Læknisvottorð vegna veikinda eða slyss.
- Önnur viðeigandi gögn.
Hægt er að sjá upphæð eigin áhættu á Mitt Sjóvá, á tryggingayfirliti og undir skírteini forfallatryggingar í Ferðavernd.
Mörg eru með ferðatryggingar í gegnum kreditkort sín. Við mælum með að þú skoðir hjá bankanum þínum hvaða ferðatryggingar fylgja með þínu korti en þær geta verið ólíkar eftir því hvaða tryggingafélag sér um þá þjónustu.

Hvað ef tjón verður lausamunum?

Við mælum með að þú tilkynnir þjófnað eða rán strax til lögreglu í viðkomandi landi og sem fyrst til fararstjóra, ef hægt er.
Mikilvægt er að þú fáir afrit af lögregluskýrslum og öðrum gögnum sem tengjast málinu, þar sem þau gögn þurfa að fylgja tjónstilkynningunni sem þú sendir inn til okkar við heimkomu.

Hvað ef farangur skemmist eða týnist í flugi/á flugvelli?

Ef farangur skemmist eða týnist er mikilvægt að fylla út staðfestingareyðublað á flugvellinum (PIR Property Irregularity Report). Þegar þú tilkynnir tjónið til okkar þarf afrit af þeirri staðfestingu að fylgja með tilkynningunni.
Við mælum með að þú tilkynnir tjónið til okkar sem fyrst.
Tilkynna tjón hér.
Eftirfarandi gögn þurfa að fylgja með þegar þú tilkynnir tjónið:
- Flugmiði og ferðagögn.
- Staðfesting frá flugvelli (útfyllt PIR eyðublað).
- Listi yfir þá muni sem skemmdust/týndust og verðmæti þeirra.
- Greiðslukvittun vegna útlags kostnaðar (gildir aðeins á útleið).
- Lögregluskýrsla ef um þjófnað eða rán var að ræða.

Hvað ef töf verður á ferðalaginu?

Ef það verður töf á ferðalagi þínu vegna verkfallsaðgerða, óhagstæðra veðurskilyrða eða vélarbilunar, sem seinkar komu þinni á áfangastað, gætir þú átt rétt á bótum úr ferðatryggingum sem fylgja greiðslukorti þínu.
Við mælum með að þú skoðir hjá bankanum þínum hvaða ferðatryggingar fylgja með þínu korti en þær geta verið ólíkar eftir því hvaða tryggingafélag sér um þá þjónustu.

Hvað ef tjón verður á bílaleigubíl sem ég er með á leigu erlendis?

Ef þú lendir í tjóni á bílaleigubíl á ferðalagi erlendis mælum við með að þú hafir samband við það tryggingafélag sem sér um tryggingarnar í greiðslukortinu þínu, því mögulegt er að bílaleigutrygging sé innifalin í kortinu. Þú getur séð nánari upplýsingar um ferðatryggingarnar sem eru í greiðslukortinu hjá bankanum þínum.

Neyðartilvik – hringdu strax í 112

Ef einhver hefur slasast.
Ef ökutæki eru skemmd og óökuhæf eða skapa hættu.
Ef grunur er um að umferðarlög hafi verið brotin, t.d. hraðakstur eða ölvunarakstur.

Fyrstu viðbrögð við ökutækjatjóni

Kannaðu hvort allir séu heilir á húfi
Ef einhver hefur slasast hringdu strax í 112.
Mikilvægast er að gæta fyrst og fremst að öryggi þínu og þeirra sem eru á staðnum.
Kveiktu á viðvörunarljósum ökutækis (hazard ljós).
Gott er að taka myndir af vettvangi árekstursins ef aðstæður leyfa, helst áður en ökutækin eru færð.
Fáðu nöfn og símanúmer vitna á vettvangi ef einhver eru.
Tilkynntu tjónið til okkar.
Tilkynna tjón hér.

Hvernig tilkynni ég tjónið?

Við mælum með að þú tilkynnir tjónið sem fyrst, helst strax á staðnum.
Tilkynna tjón hér.
Í ágreiningsmálum mælum við með að þú hringir í Aðstoð og öryggi í síma 578 9090. Opið er hjá þeim frá kl.8-18 á virkum dögum. Utan þess tíma getur þú haft samband við lögreglu í ágreiningstilfellum.
Gott er að vera með rafrænar útgáfur af kvittunum og öðrum fylgiskjölum sem þarf að senda með tjónstilkynningunni. Það flýtir fyrir afgreiðslu ef tjónstilkynningin er vel útfyllt.
Hægt er að senda myndir með tjónstilkynningunni sem getur auðveldað okkur úrvinnslu málsins.

Hvað gerist eftir að ég tilkynni tjónið?

Þegar tjónið hefur verið tilkynnt förum við yfir tilkynninguna og metum bótaskyldu. Langflest mál ganga hratt fyrir sig og viðskiptavinir fá þá niðurstöðuna innan tveggja virkra daga.
Í sumum tilvikum þurfum við að fá nánari upplýsingar frá þér eða frekari gögn og/eða staðfestingu frá þeim sem ók hinum bílnum, ef um árekstur tveggja bíla var að ræða. Þá óskum við eftir þeim gögnum sem vantar. Þegar gögnin eru komin til okkar látum við þig vita af niðurstöðunni og hver næstu skref eru.
Ef ökutækið var flutt af árekstrarstað munum við skoða það og hafa samband við þig varðandi næstu skref. Ef þú hefur ekki heyrt í okkur innan tveggja virkar daga frá tjóni skaltu endilega hafa samband við okkur í síma 440 2000 eða hér á netspjallinu og við förum yfir þetta með þér.
Ef ökutækið er ökufært er fyrsta skrefið að fara með það í tjónamat á verkstæði.
Þú sérð lista yfir þau verkstæði sem við mælum með hér.
Ef þú vilt frekar fá greiddar bætur fyrir bílinn heldur en að gert sé við hann skaltu láta verkstæðið vita af því. Við höfum þá samband við þig þegar við höfum fengið tjónamatið sent frá verkstæðinu.
Ef það verður gert við ökutækið gefum við verkstæðinu samþykki fyrir viðgerð og verkstæðið mun þá hafa samband við þig og gefa þér tíma í viðgerð.
Ef tjónamatið er það hátt að það borgar sig ekki að gera við ökutækið munum við hafa samband við þig varðandi kaup á því.

Dæmi um hefðbundið ferli:

Hvað á ég að gera ef steinn fer í bílrúðuna og veldur tjóni?

Ef steinninn skilur eftir sig litla skemmd þá mælum við með að þú setjir strax á hana svokallaðan framrúðuplástur. Það kemur í veg fyrir að skemmdin stækki og eykur líkurnar á að hægt sé að gera við skemmdina og það þurfi ekki að skipta um rúðuna.
Ef hægt er að gera við skemmdina er viðgerðin þér að kostnaðarlausu. Ef þú ert í Stofni missir þú ekki endurgreiðsluna vegna tjónleysis ef hægt er að gera við framrúðuna. Það tekur líka mun styttri tíma að gera við rúðu en að skipta henni út og er mun umhverfisvænna.

Hvernig tilkynni ég tjónið?

Við mælum með að þú tilkynnir tjónið sem fyrst rafrænt, jafnvel strax í gegnum farsímann þinn.
Tilkynna tjón hér.
Þegar þú tilkynnir tjónið rafrænt skráir þú þig inn með rafrænum skilríkjum, velur ökutæki og við leiðum þig í gegnum ferlið.
Gott er að láta mynd fylgja með tjónstilkynningunni.
Alla jafna færðu póst með staðfestingu og upplýsingum um næstu skref samdægurs og tilkynningu er skilað. Í einhverjum tilfellum getur það tekið lengri tíma og þá má miða við að vinnslan taki tvo virka daga.

Hvað á ég að gera eftir að ég tilkynni tjónið?

Þegar þú hefur tilkynnt tjónið skaltu hafa samband við rúðuverkstæði og óska eftir viðgerð eða rúðuskiptum.
Sjá lista yfir rúðuverkstæði sem við mælum með hér.

Fyrstu viðbrögð við fasteignatjóni

Mikilvægt er að reyna að takmarka frekara tjón eins og hægt er, til dæmis að reyna að stöðva vatnsleika með að skrúfa fyrir inntak vatns. Fyrst og fremst skaltu þó gæta að öryggi þínu og annarra.
Ef nauðsynlegt er að bregðast við tjóni strax skaltu hafa samband við okkur hér á netspjallinu eða í síma 440 2000. Utan opnunartíma getur þú haft samband við tjónavakt okkar, þegar bregðast þarf við strax, í síma 440 2424.
Ef neyðartilvik er að ræða og mikið liggur við hringdu í 112.

Hvernig tilkynni ég tjónið?

Við mælum með að þú tilkynnir tjónið eins fljótt og hægt er.
Tilkynna tjón hér.

Ég næ ekki að skrá tjónið, hvers vegna getur það verið?

Athugaðu hvort þú hefur skráð réttan tryggingartaka. Algengt er að fasteignatrygging í fjölbýlishúsum sé skráð á kennitölu húsfélags, sem gæti þá jafnvel verið tryggt hjá öðru tryggingafélagi.
Ef þú nærð ekki að skrá tjónið hafðu þá samband við okkur á netspjalli, í síma 440 2000 eða sendu okkur tölvupóst á tjonaskodun@sjova.is og við aðstoðum þig.

Hvaða gögnum þarf ég að skila inn?

Mikilvægt er að fá lýsingu á atburði og gott væri að fá myndir sem sýna tjónið (upptök tjónsins, skemmdir og heildarmynd af rými).
Vinsamlegast skráðu netfagnið þitt og símanúmer í tjónstilkynninguna. Eins væri gott að fá upplýsingar um reikningsnúmer ef þær eru ekki þegar skráðar hjá okkur, svo einfalt sé fyrir okkur að greiða bætur ef tjónið er bótaskylt.

Hver eru næstu skref?

Þegar tjón hefur verið tilkynnt fer málið í vinnslu hjá tjónadeild okkar. Þá sendum við þér tölvupóst þar sem farið er yfir næstu skref.
Ef þörf er á að skoða tjónið munum við hafa samband við þig og bóka tjónaskoðun. Þá hringjum við annað hvort í þig með myndsímtali í gegnum fjarskoðunarlausnina Innsýn eða komum á staðinn.
Nánari upplýsingar um Innsýn má sjá hér.

Hver er eigin áhættan mín?

Þú sérð upplýsingar um eigin áhættu þína á skírteini tryggingar þinnar á Mitt Sjóvá.

Fyrstu viðbrögð við tjóni

Ef mikið liggur við og þú þarft að ná í okkur strax geturðu haft samband við okkur í síma 440 2000 eða í tjónavakt okkar í síma 400 2424, sem er opin allan sólarhringinn.
Ef grunur er um innbrot, skemmdarverk eða annars konar lögbrot hringdu þá strax í 112.

Hvernig tilkynni ég tjónið?

Við mælum með að þú tilkynnir tjónið til okkar eins fljótt og hægt er.
Tilkynna tjón hér.

Hvaða gögnum þarf ég að skila inn?

Í flestum tilfellum þurfa eftirfarandi gögn að fylgja tilkynningunni:
- Kaupnóta/kvittun fyrir tjónsmun. Ef þú átt ekki kaupnótu/kvittun fyrir kaupum á því sem skemmdist getur þú nálgast hana hjá versluninni eða söluaðilanum sem seldi þér hlutinn.
- Myndir – Í sumum tilvikum þurfum við myndir af því sem skemmdist.

Ef við þurfum frekari gögn eða upplýsingar þá höfum við samband við þig.

Hver eru næstu skref?

Þegar tjón hefur verið tilkynnt fer málið í vinnslu hjá tjónadeild og okkar og við sendum þér tölvupóst þar sem farið er yfir næstu skref.
Markmið okkar er að svar berist ekki seinna en næsta virka dag eftir að tjónstilkynning berst.

Hvernig eru bæturnar reiknaðar?

Í flestum tilvikum miðast bætur við verð á nýjum eða sambærilegum hlut og þeim sem skemmdist. Þó verður að taka tillit til afskrifta hlutarins og eigin áhættu.
Afskriftarreglur er hægt að sjá í skilmálum tryggingarinnar þinnar, hvort sem það er Fjölskylduvernd eða Snjalltrygging. Upplýsingar um eigin áhættur er að finna á skírteini tryggingarinnar á Mitt Sjóvá.

Hver er eigin áhættan mín?

Þú sérð upplýsingar um eigin áhættu þína á skírteini tryggingar þinnar á Mitt Sjóvá.

Fyrstu viðbrögð

Ef um neyðartilvik er að ræða og dýrið er alvarlega slasað eða veikt hafðu þá strax samband við dýralækni.
Passaðu vel upp á allar kvittanir vegna útlagðs sjúkrakostnaðar, til að geta sent okkur afrit af þeim þegar þú tilkynnir tjónið.

Hvernig tilkynni ég tjónið?

Við mælum með að þú tilkynnir veikindi eða slys dýra eins fljótt og þú getur.
Tilkynna tjón hér.
Með tilkynningunni þarftu að senda:
- Vottorð dýralæknis.
- Kvittanir fyrir útlögðum sjúkrakostnaði.

Hver eru næstu skref?

Þegar búið er að skila inn tjónstilkynningu förum við yfir málið og köllum eftir nauðsynlegum gögnum frá þér, dýralækni eða öðrum aðilum sem tengjast tjóninu, ef þess þarf. Síðan metum við hvort tjónið sé bótaskylt.

Hver er eigin áhættan mín?

Þú sérð upplýsingar um eigin áhættu þína á skírteini tryggingar þinnar á Mitt Sjóvá.

Fyrstu viðbrögð

Ef tjón hefur orðið á fasteign er mikilvægt að koma í veg fyrir að frekara tjón verði, eins og hægt er. Sjá nánar undir Tjón á fasteign hér fyrir ofan.
Ef umferðaróhapp hefur orðið skal kanna hvort öll séu heil á húfi og gæta að öryggi þeirra sem eru á staðnum. Síðan skal koma í veg fyrir að ökutæki geti skapað frekari hættu áður en næstu skref eru tekin. Sjá nánar undir Árekstrar og önnur ökutækjatjón hér fyrir ofan.

Hvernig tilkynni ég tjónið?

Við mælum með að þú tilkynnir tjónið sem fyrst.
Tilkynna tjón hér.

Hvernig tilkynni ég vinnuslys?

Ef slys verður í vinnu þarf vinnuveitandi að tilkynna það til Sjúkratrygginga Íslands og til Vinnueftirlitsins. Ef alvarlegt slys verður þarf vinnuveitandi að tilkynna það til lögreglu og til Vinnueftirlitsins og láta gera vettvangsrannsókn innan sólarhrings.
Sjá nánar um viðbrögð við vinnuslysum.

Hvernig tilkynni ég tjón sem verða á persónulegum munum á vinnutíma?

Til að eiga mögulega rétt á bótum þarf fyrirtækið, stofnunin eða sveitarfélagið að vera með slysatryggingu launþega.
Hægt er að tilkynna tjón á persónulegum munum starfsfólks undir innbú og munir í tilkynningarferlinu okkar. Sjá nánari upplýsingar undir Tjón á innbúi og lausamunum hér fyrir ofan.
Til að tilkynna tjón á persónulegum munum starfsfólks þarf tilkynnandi að skrá sig inn með sínum skilríkjum og setja svo kennitölu fyrirtækisins, stofnunarinnar eða sveitarfélagsins sem tryggingataka.

Hvernig tilkynni ég tjón í ábyrgðartryggingu fyrirtækis?

Til að eiga mögulega rétt á bótum þarf fyrirtækið, stofnunin eða sveitarfélagið að vera með ábyrgðartryggingu atvinnurekstrar.
Tilkynnandi þarf að gefa upp kennitölu þess sem er skráður fyrir tryggingunni og tengiliðaupplýsingar beggja aðila.

Hvernig tilkynni ég farmtjón?

Til að eiga mögulega rétt á bótum þarf fyrirtækið, stofnunin eða sveitarfélagið að vera með farmtryggingu.
Til að tilkynna farmtjón þarf tilkynnandi að skrá sig inn með sínum rafrænu skilríkjum og setja svo kennitölu fyrirtækisins sem tryggingataka.

Fyrstu viðbrögð við tjóni

Mikilvægt er að reyna að koma í veg fyrir að frekara tjón verði, eins og til dæmis með að stöðva vatnsleika með að skrúfa fyrir inntak vatns. Gætið þó fyrst og fremst að ykkar eigin öryggi og annarra á staðnum.
Ef nauðsynlegt er að bregðast við tjóni strax skaltu hafa samband við okkur í síma 440 2000 á opnunartíma. Utan opnunartíma getur þú náð í tjónavakt okkar í síma 440 2424.

Hvernig tilkynni ég tjónið?

Við mælum með að þú tilkynnir tjónið eins fljótt og hægt er.
Tilkynna tjón hér.
Í tilkynningarferlinu er hægt að fletta upp húsfélagi eftir kennitölu eða heimilisfangi.

Hver eru næstu skref?

Þegar tjón hefur verið tilkynnt fer málið í vinnslu hjá tjónadeild og við sendum þér tölvupóst þar sem farið er yfir næstu skref.
Ef skoða þarf aðstæður á vettvangi munum við hafa samband við þig, bóka tjónaskoðun. Þá komum við annað hvort á staðinn eða hringjum í þig með myndsímtali, í gegnum fjarskoðunarlausnina Innsýn.
Sjá nánar um Innsýn.