Verktakatrygging

Það er margt sem getur farið úrskeiðis á byggingartíma húseignar. Því mælum við með að verktakar og byggingaraðilar tryggi öll verk á byggingartíma með Verktakatryggingu og verji sig þannig fyrir mögulegum fjárhagslegum áföllum, svo sem tjóni á húseigninni eða á byggingarefni.

Verktakatrygging er valkvæð trygging og því ekki skylda samkvæmt lögum að kaupa hana. Hún er hins vegar góð viðbót við lögbundnar tryggingar (starfsábyrgðartrygging byggingastjóra og brunatrygging húseigna) og myndar með þeim góða tryggingavernd fyrir verktakann og eiganda húseignarinnar.

Vatnstjón – Tryggir þig fyrir ófyrirsjáanlegum, skyndilegum og óvæntum leka úr vatnsleiðslum, hitakerfi eða frárennslilögnum og fyrir tjónum vegna vatns sem flæðir úr hreinlætistækjum vegna mistaka eða bilana.  

Veðrátta – Bætir tjón sem verður á húseign vegna skyndilegrar úrhellisrigningar (skýfall) eða snjóbráðar (asahláka) og fok- og óveðurstjón sem verða á húseign eða byggingarefni, sé byggingarefnið komið inn í hús á byggingarstað.  

Hrun og sig – Bætir skemmdir á húseigninni af völdum hrun og sigs vegna skyndilegs og ófyrirsjáanlegs atviks.  

Innbrot – Bætir skemmdir og tjón sem verða á húseign eða byggingarefni vegna innbrots, sé byggingarefnið geymt í húsi eða í læstum gámi (með gámalás). Ótvíræð ummerki þurfa að vera um innbrot. 

Gler – Bætir tjón á ísettu gleri ef það brotnar. Bætur miðast við gler af sömu stærð og gæðum. Athugið að tjón á skrautgleri er ekki bætt.

Bruni – Tryggir þig fyrir tjóni sem verður á byggingarefni í húsi eða í gámi á byggingarstað af völdum bruna, eldingar eða sprengingar. Brunatrygging húseigna bætir brunatjón á húseign í smíðum en það er skylda samkvæmt lögum að tryggja allar húseignir með henni.

1. Starfsábyrgðartrygging byggingastjóra – Það er lagaleg skylda að vera með skráðan byggingastjóra á verkum. Því fylgir að byggingastjóri þarf að vera með byggingastjóratryggingu á verkinu, sjá nánar hér.  
2. Brunatrygging húseigna – Samkvæmt lögum um brunatryggingar er eigendum húsa í smíðum skylt að brunatryggja eign sína á byggingartímanum, rétt eins og fullbúin hús, sjá nánar hér. 
3. Rekstrartryggingar – Verktakar þurfa ýmsar rekstrartryggingar, sama í hvernig bygginga- eða iðnaðarstarfsemi viðkomandi er í. Hjá Sjóvá starfar reynslumikill hópur sem þekkir hvaða tryggingar þú þarft fyrir þinn rekstur, sjá nánar hér. 

Til viðbótar við ofangreindar tryggingar mælum við með Verktakatryggingu fyrir verktaka. Mælum við með að tryggingin sé keypt um leið og verk hefst.  sem eru með verk á byggingarstigi.  

Til viðbótar við ofangreindar tryggingar mælum við með Verktakatryggingu fyrir verktaka. Mælum við með að tryggingin sé keypt um leið og verk hefst.  sem eru með verk á byggingarstigi.

Með því að heyra í okkar sérfræðingum í fyrirtækjaráðgjöf í s. 440-2000 eða í gegnum tölvupóstfangið fyrirtaeki@sjova.is 

Eins getur þú fyllt út neðangreinda umsókn og við sendum þér tilboð um hæl!