Reiðhjóla­trygging

Ef þú átt hjól sem er verðmætara en bæturnar sem þú fengir fyrir það úr Heimilistryggingu eða úr Fjölskylduvernd þinni þá mælum við með að þú tryggir það með Reiðhjólatryggingu.

Í Reiðhjólatryggingu er tryggingafjárhæðin valin þannig að hún dugi fyrir heildarverðmæti hjólsins. Þú þarft því að hafa í huga verðmæti hjólsins sjálfs og fylgihlutanna sem þú hefur keypt á það þegar þú velur fjárhæðina.

Þú sérð hversu háar bætur myndu fást fyrir hjólið úr Heimilistryggingu eða Fjölskylduvernd í skilmálum þeirra trygginga.

Athugaðu að til að bætur fáist fyrir hjól sem stolið er utandyra þarf það að hafa verið tryggilega læst við fastan hlut.

Reiðhjólatrygging gildir hvar sem er í heiminum og eru engin tímamörk á því hversu lengi hún gildir erlendis.

Það á hins vegar ekki við um allar tryggingar og því skaltu skoða vel skilmála þinna trygginga. Í Heimilistryggingu gildir Ábyrgðartrygging til dæmis aðeins á ferðalagi erlendis í þrjá mánuði eða skemur og Ferðavernd gildir á ferðalagi erlendis í allt að 92 samfellda daga.

Ef hjólinu þínu er stolið þarftu að tilkynna þjófnaðinn til lögreglu. Áður en við afgreiðum tjónið þurfa að líða 14 dagar frá því lögreglunni var tilkynnt um tjónið, til að athuga hvort hjólið kemur mögulega fram.