Ef þú veikist á meðgöngu eða eitthvað kemur upp á í fæðingu, eftir fæðingu eða á meðgöngu getur þú og/ eða hitt foreldri barnsins átt rétt á greiðslum frá ríki, stéttarfélagi eða vinnuveitanda. 

Veikindaréttur á meðgöngu 

Veikindaréttur þinn er tryggður í kjarasamningum ef þú ert launþegi, óháð því hvort þú ert barnshafandi eða ekki. Sjá nánar um veikindarétt á island.is. Ef þú fullnýttir þann veikindarétt sem þú átt getur þú átt rétt á greiðslum frá stéttarfélagi þínu.  

Athugaðu að réttur samkvæmt kjarasamningum á eingöngu við um þau sem eru launþegar en ekki t.d. um sjálfstæða atvinnurekendur eða námsmenn. 

Einnig er rétt að benda á sjúkradagpeninga frá Sjúkratryggingum Íslands fyrir þau sem eru óvinnufær að fullu vegna veikinda eða slysa. Lesa má nánar um þá á island.is.  

Sorgarstyrkur 

Ef barn deyr fyrir 18 ára aldur eiga foreldrar rétt á svokölluðu sorgarleyfi eða sorgarstyrk. Það á einnig við ef barn fæðist andvana eftir 22 vikna meðgöngu eða ef fósturlát verður eftir 18 vikna meðgöngu. Nánari upplýsingar er að finna á island.is. 

Veikindaréttur vegna veikinda barns 

Ef barnið þitt veikist alvarlega eða er langveikt tryggja kjarasamningar rétt á launuðu leyfi vegna barna. Sjá nánar um veikindarétt á island.is.  

Athugaðu að réttur samkvæmt kjarasamningum á eingöngu við um þau sem eru launþegar en ekki t.d. um sjálfstæða atvinnurekendur eða námsmenn. 

Ef þú greiðir í sjúkrasjóð stéttarfélags getur þú átt rétt á greiðslum úr honum vegna veikindi barns. 

Þau sem eiga langveik börn geta einnig átt rétt á umönnunargreiðslum frá Tryggingastofnun ríkisins, sem sjá má nánari upplýsingar um á island.is. 

Allar bætur úr Meðgöngutryggingu eru greiddar óháð almennum réttindum eða réttindum sem fólk á í gegnum kjarasamninga, hvort sem er beint frá vinnuveitanda eða stéttarfélagi. Þær koma þannig til viðbótar við þær greiðslur sem þú átt rétt á annars staðar frá, sama hve mikill réttur þinn er. 

Við mælum með að þú kynnir þér nánar hverju þú átt rétt á, sérstaklega ef þú ert námsmaður eða sjálfstætt starfandi/verktaki og því með takmarkaðri réttindi en launþegar. 

Þú getur algjörlega keypt Meðgöngutrygginguna eina og sér, hvort sem þú ert einfaldlega ekki með aðrar tryggingar eða ert með þær hjá öðru tryggingafélagi.  

Við ráðleggjum þér þó að skoða tryggingamálin sérstaklega vel á þessum tímamótum í lífi þínu. Við mælum alltaf með að foreldrar séu líf- og sjúkdómatryggðir. Ef þú ert þegar með slíkar tryggingar mælum við einnig með að þú farir yfir tryggingafjárhæðirnar, til að sjá hvort þær eru í samræmi við þínar aðstæður. Eins getur verið ástæða til að yfirfara aðrar tryggingar heimilisins þegar það fjölgar í fjölskyldunni og fara til dæmis yfir innbúsverðmæti í heimilistryggingu.  

Heyrðu endilega í okkur og fáðu ráðgjöf miðað við þínar aðstæður. Þú getur fengið samband við ráðgjafa okkar hér á netspjallinu, sent okkur póst á sjova@sjova.is eða heyrt í okkur í síma 440 2000. 

Þegar þú kaupir Barnatryggingu með Meðgöngutryggingunni tryggir þú barninu þínu samfellda og öfluga vernd allt frá 17. viku meðgöngu og þar til það hefur náð 20 ára aldri. Ekki þarf að fylla út heilsufarsmat þegar Barnatrygging er keypt samhliða Meðgöngutryggingu. 

Við mælum með að allar verðandi mæður sem kaupa Meðgöngutryggingu velji að kaupa Barnatrygginguna um leið. Barnatrygging kostar 1.079 kr. á mánuði og þú byrjar ekki að greiða af henni fyrr en hún tekur gildi við eins mánaða aldur barnsins. 

Sjá nánar um Barnatryggingu.  

Meðgöngutrygging tryggir bæði móður og barn á meðgöngu, í fæðingu og allt þar til barnið verður eins mánaðar gamalt. Þá tekur Barnatryggingin við, sé hún keypt með Meðgöngutryggingunni. Barnatryggingu er ætlað að mæta kostnaði og mögulegum tekjumissi sem geta fylgt alvarlegum veikindum barnsins. Hún verndar barnið líka fyrir tekjutapi sem það gæti orðið fyrir í framtíðinni af völdum slyss eða alvarlegra sjúkdóma.  

Sjá nánar um Barnatryggingu. 

Meðgöngutrygging bætir ýmsa ólíka þætti og eru bæturnar fyrir þá misháar.  

• Bætur vegna ákveðinna meðgöngu- og fæðingatengdra vandamála hjá móður eru 1.000.000 kr.   
• Bætur vegna sjúkrahúslegu móður eða barns sem varir í 5 daga eða lengur eru að hámarki 630.000 kr.  
• Bætur vegna meðfæddra sjúkdóma sem greinast fyrir eins árs aldur eru 1.000.000 kr.  
• Bætur vegna síðkomins fósturláts eftir 17. viku eru 750.000 kr.  
• Bætur vegna læknisfræðilegs þungunarrofs eru 750.000 kr.  
• Bætur vegna andvana fæðingar eru 750.000 kr.  
• Dánarbætur ef ungabarn deyr innan við mánuð frá fæðingu eru 750.000 kr. 
• Bætur ef móðir lætur lífið á meðgöngu eða við fæðingu eru 1.500.000 kr. (athugið að ef móðir er með Líftryggingu bætast þessar bætur úr Meðgöngutryggingunni við bætur úr Líftryggingu). 
• Endurgreiðsla sálfræði- og/eða geðlækniskostnaðar ef greitt er úr einhverjum af ofangreindum bótaþáttum, að hámarki 250.000 kr.  

Þau meðgöngu- og fæðingartengd vandamál sem eru tryggð með Meðgöngutryggingu eru: 

• Meðgöngueitrun  
• Bráðakeisara (bjöllukeisara eða rauður keisari)  
• Alvarlegar rifur (3 og 4° gráðu rifur) 
• Legnám í kjölfar fæðingar 
• Alvarlegt slys á móður sem leiðir til ótímabærrar fæðingar 
• Blóðtappar í lungu (lungnablóðrek). 

Í Meðgöngutryggingu er barnið tryggt fyrir eftirtöldu meðfæddu sjúkdómum sem sýna einkenni á fyrsta ári í lífi þess:  

• Hjartagallar þar sem þörf er á aðgerð innan 1 árs 
• Gallar/afbrigði á vöðvum og beinakerfi 
• Heilalömun 
• Downs heilkenni 
• Blinda og alvarleg sjónskerðing 
• Heyrnarleysi 
• Holgóma og klofin vör 
• Klumbufætur sem þurfa gifs meðferð eða aðgerð 
• Klofinn hryggur 
• Vatnshöfuð 
• Gallar/lokanir/afbrigði á vélinda og barka 
• Alvarlegur súrefnisskortur  
• Sjaldgæfir sjúkdómar eða slys 
• • Hér þarf að liggja fyrir staðfest læknisfræðileg greining og þarf sjúkdómurinn/slysið annað hvort að: 
  • • fela í sér skertar lífslíkur og langvarandi umönnunarþörf eða 
    • fela í sér líkamlegar eða líffræðilegar truflanir sem valda alvarlegri skerðingu á lífsgæðum og/eða færni.  

Sjúkdómatrygging okkar gildir að sjálfsögðu á meðan á meðgöngunni stendur. Hún tryggir þig fyrir fjölmörgum alvarlegum sjúkdómum en nær hins vegar ekki yfir það sem getur komið upp á meðgöngu og við fæðingu.  

Sjúkdómatryggingin þín veitir barninu þínu einnig ákveðna vernd frá þriggja mánaða aldri og tryggir það fyrir sömu alvarlegu sjúkdómum og þig. Með Meðgöngutryggingu er barnið hins vegar tryggt fyrir ýmsum meðfæddum sjúkdómum (sjá nánar í svari hér fyrir ofan) sem greinast fyrir eins árs aldur.  

Þess vegna mælum við með að þú kaupir Meðgöngutryggingu ef þú átt von á barni. Við mælum einnig með að þú kaupir Barnatryggingu með Meðgöngutryggingunni, sem tekur þá gildi þegar barnið er eins mánaðar gamalt.  

Sjá nánar um Sjúkdómatryggingu 

Sjá nánar um Barnatryggingu