Ferða­trygging

Ef þú ert með Ferðavernd í Fjölskylduvernd þinni þá gildir hún á ferðalagi erlendis í allt að 92 daga samfellt. Ef þú ert með ferðatryggingar í gegnum kreditkortið þitt mælum við með að þú skoðir hversu lengi þær gilda, áður en þú leggur af stað í ferðina. Algengt er að ferðatryggingar kreditkorta gildi á ferðalögum í allt að 60-90 daga.

• Sjá upplýsingar á vef Íslandsbanka
• Sjá upplýsingar á vef Arion
• Sjá upplýsingar á vef Landsbankans

Ef þú ert að skipuleggja ferð sem er lengri en ferðatryggingar þínar ná yfir þá mælum við með að þú hafir samband við okkur til að kaupa sérstaka ferðatryggingu fyrir ferðina.

Í rauninni á þetta við um alla íþrótta- og tómstundaiðkun sem felur í sér sérstaka áhættu og er því undanskilin í Ferðavernd eða öðrum ferðatryggingum sem þú ert með, til dæmis í kreditkortinu þínu.

Þau sem eru eldri en 16 ára og eru að stunda keppnisíþróttir erlendis þurfa til dæmis að tryggja sig sérstaklega. Þetta á líka við þá sem ætla til dæmis að ferðast á fjöll hærri en 4000 metra yfir sjávarmáli, taka þátt í fjalla-, kletta- eða ísklifri eða bjargsigi, fara í kajakferðir eða sigla niður straumharðar ár, fara í loftbelg, svifflug, teygjustökk, fallhlífarstökk eða kafa með lofthylki.

Þú getur séð nánar um hvað er undanskilið í Ferðavernd Fjölskylduverndar í skilmálum hennar og getur kynnt þér skilmála kortatrygginga þinna hjá bankanum þínum.

• Sjá upplýsingar á vef Íslandsbanka
• Sjá upplýsingar á vef Arion
• Sjá upplýsingar á vef Landsbankans

Mörg eru með ferðatryggingar í gegnum kreditkort sín og því er mikilvægt að kynna sér vel hvaða tryggingar fylgja kortinu áður en ferðin er bókuð.

Við mælum með að þú skoðir hjá bankanum þínum hvaða ferðatryggingar fylgja með kortinu þínu. Þær geta verið ólíkar eftir því hvaða tryggingafélag sér um þá þjónustu.

• Sjá upplýsingar á vef Íslandsbanka
• Sjá upplýsingar á vef Arion
• Sjá upplýsingar á vef Landsbankans

Þú átt hefur aðgang að þjónustu SOS International ef þú ert með Ferðavernd, ferðatryggingu eða ferðatryggingu í gegnum kreditkortið þitt.

Ef alvarleg veikindi eða slys koma upp mælum við með að þú hafir samband beint við SOS International neyðarþjónustu í síma 0045 70 10 50 50.

Þú getur líka tilkynnt neyðartilvikið rafrænt til SOS International og fundið upplýsingar um þær sjúkrastofnanir sem eru næst staðsetningu þinni á þjónustuvef SOS.

Sjá nánar um Neyðarþjónustu erlendis

Ef þú þarft að leita til læknis vegna minniháttar veikinda eða slysa erlendis er einfaldast að greiða fyrir þjónustuna en halda vel utan um allar greiðslukvittanir vegna útlagðs læknis-, lyfja og sjúkrakostnaðar.

Athugaðu að það er eigin áhætta í ferðasjúkratryggingum, sem þýðir að kostnaður undir ákveðinni fjárhæð er ekki endurgreiddur. Ef þú ert þegar með ferðatryggingu þá getur þú séð upplýsingar um eigin áhættu og hámarksfjárhæðir bóta á Mitt Sjóvá.

Á þjónustuvef SOS International getur þú fundið upplýsingar um hvaða sjúkrastofnun er næst staðsetningu þinni, hvar sem þú ert í heiminum.

Eftir ferðalagið tilkynnir þú tjónið hér á vef okkar með því að smella á Tilkynna tjón. Við þurfum að fá frumrit greiðslukvittana, vottorða, skýrslur og ferðagögn (farmiða/bókanir) til að geta tekið málið til afgreiðslu.

Minniháttar veikindi geta til dæmis verið kvef, hiti eða umgangspestir sem leita þarf læknisaðstoðar vegna. Minniháttar slys geta til dæmis verið minni skurðir sem sauma þarf á sjúkrastofnun.

Neyðartilvik eru alvarleg veikindi og slys sem krefjast innlagnar eða rannsókna á sjúkrastofnun. Þegar slíkt kemur upp skaltu leita til SOS International.