Hálfkaskótrygging ökutækja getur til dæmis hentað fyrir dráttarvélar sem notaðar eru við landbúnaðarstörf.
Hún bætir meðal annars tjón sem verður vegna veltu á dráttarvélum í landbúnaði og þeim landbúnaðartækjum sem eru fasttengd henni.
Hálfkaskótrygging ökutækis er samsett trygging fyrir ökutæki sem innifelur brunatrygging, rúðutryggingu, þjófnaðartryggingu og veltu- og hrapstryggingu.
Hvað er tryggt? | Hvað er ekki tryggt? |
|---|---|
| Tryggingin greiðir bætur ef: | Tryggingin greiðir ekki bætur ef: |
Ökutækið brennur. | Ökutækið er notað til annars aksturs en kemur fram á vátryggingarskírteininu. |
Ökutækinu er stolið. | Ökutækið skemmist af völdum sand- og öskufoks. |
Ökutækið veltur og hrapar (gildir eingöngu fyrir dráttarvélar til landbúnaðarstarfa). | |
Rúður brotna í ökutækinu. |
Tryggingin bætir ekki tjón sem verða í aksturskeppni, nema um annað sé samið.
Tryggingin gildir á Íslandi nema um annað sé samið sérstaklega.
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. að gæta þess að ökutækið sé læst þegar það er ekki í notkun og geyma lykla þess eða annan opnunarbúnað á öruggum stað.
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Tryggingin tekur gildi frá samþykkt tilboðs og endurnýjast árlega þar til henni er sagt upp.
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.
