Með hliðsjón af eðli rekstrar okkar leggjum við hjá Sjóvá sérstaka áherslu á eftirfarandi heimsmarkið í starfsemi okkar og stefnumótun.
Stuðla að heilbrigðu líferni og vellíðan fyrir alla frá vöggu til grafar
Sjóvá hefur lengi haldið úti öflugu forvarnastarfi, bæði gagnvart einstaklingum og fyrirtækjum. Þá höfum við staðið fyrir og stutt ýmis öflug fovarnaverkefni sem hafa að markmiði að fyrirbyggja slys, s.s. í umferðinni, á heimilum og vinnustöðum.
Jafnrétti kynjanna verði tryggt og völd allra kvenna og stúlkna efld.
Sjóvá hefur um árabil unnið markvisst að því að tryggja jafnrétti og jöfn tækifæri innan fyrirtækisins. Mannréttindastefna og árleg aðgerðaáætlun eru rammi utan um framkvæmd stefnu í jafnréttismálum. Sjóvá var eitt af fyrstu fyrirtækjum landsins til að fá jafnlaunavottun og hefur verið með hana frá árinu 2014.
Sjóvá hefur tekið þátt í ýmsum verkefnum sem stuðla að jafnrétti í samfélaginu, s.s. jafnvægisvog FKA og hlaut Hvatningarverðlaun jafnréttismála árið 2021.
Lesa Mannréttindastefnu (hlekkur)
Stuðla að viðvarandi sjálfbærum hagvexti og arðbærum og mannsæmandi atvinnutækifærum fyrir alla.
Við leggjum ríka áherslu á að halda rekstri okkar sterkum og ábyrgum, með hagsmuni viðskiptavina, starfsfólks, fjárfesta og samfélagsins alls að leiðarljósi.
Við höfum einnig lagt okkur fram við að styðja vel við fyrirtæki okkar í viðskiptum, ekki síst þegar á reynir, hvort sem það er vegna tjóna, breytinga í rekstraraðstæðum eða annars.
Við vinnum einnig stöðugt að því að bæta aðgengi að þjónustu okkar, s.s. með stafrænum lausnum í sölu og tjónaþjónustu og með því að tala um tryggingar á mannamáli.
Sjálfbær neyslu- og framleiðslumynstur verði tryggð.
Við vinnum markvisst að því að minnka umhverfisspor tjóna, bæði með öflugum forvörnum og með því að lágmarka tjón, nýta tjónaða muni áfram og gera við það sem hægt er. Þannig viðhöldum við verðmæti hluta lengur og drögum úr sóun.
Við gerum grein fyrir stöðu sjálfbærnimælikvarða og sjálfbærniverkefnum sem unnið er að í árs- og sjálfbærniskýrslu, sem kemur út á fyrstu mánuðum hvers árs. Upplýsingagjöf er ávallt í samræmi við gildandi lög og reglugerðir hverju sinni.
Við fræðum viðskiptavini okkar um ávinning af sjálfbærri tjónaþjónustu og upplýsum þá um aðgerðir sem þeir geta gripið til til að minnka umhverfisspor tjóna.
Við gerum einnig kröfur til birgja okkar um að þeir leitist við að draga úr umhverfisáhrifum í eigin starfsemi með ábyrgri og meðvitaðri nýtingu auðlinda, eins og sjá má í Siðareglum birgja.
Grípa til bráðra aðgerða gegn loftslagsbreytingum og áhrifum þeirra.
Sjóvá leggur sig fram um að draga úr umhverfisáhrifum starfseminnar með markvissum aðgerðum og ábyrgri nýtingu auðlinda.
Við höfum unnið að minnkun losunar frá starfseminni með fjölbreyttum hætti, m.a. með minnkun sóunar við afgreiðslu tjóna og með þróun á stafrænum þjónustulausnum, m.a. við tjónaskoðanir, rafvæðingu ökutækjaflota félagsins, fjölgun samgöngusamninga við starfsfólk og fleira.
Við höfum verið með samning við Kolvið frá 2015 um kolefnisbindingu með skógrækt vegna losunar frá starfseminni og höfum einnig keypt kolefniseiningar frá SoGreen sem vinnur að forðun losunar með menntaverkefnum fyrir stúlkur í Afríku.
Við höfum einnig styrkt Neyðarvarnir Rauða kross Íslands til að bæta aðbúnað við uppsetningu fjöldhjálparstöðva, sem aukist hefur þörf fyrir í tengslum við veðurofsa og náttúruhamfarir.
