Endurgreiðsla einu sinni á ári

Stofnendurgreiðslan er 10% af iðgjöldum trygginganna sem taldar eru upp hér fyrir neðan. Endurgreiðsla reiknast ekki af opinberum gjöldum sem greidd eru samhliða iðgjöldum trygginganna.

• Fjölskylduvernd 1, 2, 3
• Snjalltrygging
• Lögboðin ökutækjatrygging einkabíls og mótorhjóls
• Kaskótrygging einkabíls og mótorhjóls
• Fasteignatrygging
• Lögboðin brunatrygging íbúðarhúsnæðis
• Almenn slysatrygging
• Sjúkra- og slysatrygging
• Sumarhúsatrygging
• Hestatrygging
• Hundatrygging
• Kattatrygging
• Víðtæk eignatrygging
• Innbústrygging
• Ábyrgðartrygging einstaklinga

Athugið að endurgreiðsla reiknast ekki af líf-, sjúkdóma- og barnatryggingum.

Fyrir hjón og sambúðarfólk er reiknuð út ein sameiginleg endurgreiðsla sem tekur mið af iðgjöldum og tjónum beggja.

Sá aðili sem er skráður vátryggingartaki Fjölskylduverndar fær Stofnendurgreiðsluna greidda á sinn bankareikning.

Ef þú ert með allar tryggingarnar þínar á endurnýjun á sama degi (hefur valið einn gjalddaga) endurgreiðum við þér mánuði eftir endurnýjun trygginganna.

Ef þú hefur valið að dreifa endurnýjun trygginganna yfir árið endurgreiðum við þér í febrúar á ári hverju.

Endurgreiðslutímabilið er þá vegna iðgjalda sem tilheyra árinu á undan. Iðgjald er greitt af hverri tryggingu fyrir það tímabil sem hún gildir og getur endurgreiðslutímabilið því verið annað en gildistími trygginganna.

Endurgreiðslan er reiknuð af þeim iðgjöldum sem tilheyra endurgreiðslutímabili trygginga í Stofni.

Hafi iðgjöld verið endurgreidd á tímabilinu næst á undan endurgreiðslutímabilinu, t.d. vegna niðurfellingar tryggingar, þá eru þau dregin frá iðgjöldunum sem endurgreiðslan reiknast af.

Þú þarft að vera í Stofni þegar endurgreiðslan fer fram.

Ef þú hættir í viðskiptum áður en endurgreiðslan er send út áttu ekki rétt á henni.

Endurgreiðslan er lögð sjálfkrafa inn á reikninginn þinn næstu mánaðamót eftir að þú hefur endurnýjað tryggingarnar hjá okkur.

Við sendum þér tilkynningu í SMS og tölvupósti þegar lagt hefur verið inn á reikninginn þinn. Hafir þú ekki látið okkur fá reikningsupplýsingarnar þínar sendum við þér skilaboð til að láta vita að endurgreiðslan bíði þín inni á Mitt Sjóvá, þar sem þú getur ráðstafað henni með einföldum hætti. Eingöngu er hægt að greiða inn á reikning þess sem skráður er fyrir Fjölskylduverndinni.

Stofnendurgreiðslan er 10% af iðgjöldum trygginganna sem taldar eru upp hér fyrir neðan.

Endurgreiðsla reiknast ekki af opinberum gjöldum sem greidd eru samhliða iðgjöldum trygginganna.

• Fjölskylduvernd 1, 2 og 3
• Snjalltrygging
• Lögboðin ökutækjatrygging einkabíls og mótorhjóls
• Kaskótrygging einkabíls og bifhjóls
• Fasteignatrygging
• Lögboðin brunatrygging íbúðarhúsnæðis
• Almenn slysatrygging
• Sjúkra- og slysatrygging
• Sumarhúsatrygging
• Hestatrygging
• Hundatrygging
• Kattatrygging
• Víðtæk eignatrygging
• Innbústrygging
• Ábyrgðartrygging einstaklinga

Athugið að endurgreiðsla reiknast ekki af líf-, sjúkdóma- og barnatryggingum.