Brunatrygging ökutækis getur til dæmis hentað fyrir fornbíla, húsbíla eða önnur ökutæki sem eru í geymslu stærstan hluta ársins og í lítilli notkun.
Brunatrygging tryggir ökutækið fyrir tjóni sem verður af völdum eldsvoða, s.s. bruna, sprengingar sem stafar af eldsvoða eða eldingar, hvort sem það er í geymslu eða við akstur.
Brunatrygging ökutækis bætir tjón á ökutækjum af völdum eldsvoða.
Hvað er tryggt? | Hvað er ekki tryggt? |
|---|---|
| Tryggingin bætir tjón af völdum: | Tryggingin bætir ekki tjón af völdum: |
Bruna. | Umferðaróhappa. |
Sprengingar sem stafar af eldsvoða. | Skemmdarverka |
Eldingar. | Óveðurs |
Tryggingin bætir ekki tjón af öðrum orsökum en eldvoða, sprengingar og eldingar.
Tryggingin gildir á Íslandi. Ef um árstryggingu er að ræða gildir hún líka á ferðalagi í Evrópu í allt að 90 daga og í nauðsynlegum flutningi á milli landa.
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d.
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum
Tryggingin tekur gildi frá samþykkt tilboðs og endurnýjast árlega þar til henni er sagt upp.
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.
