Hvort sem þú átt reiðhesta, keppnishesta eða hesta sem þú notar til ræktunar og undaneldis þá er mikilvægt að tryggja þá.
Þannig getur þú mætt óvæntum sjúkrakostnaði eða afnotamissi ef hesturinn veikist eða slasast, og tryggt þig fyrir ýmsu tjóni sem hesturinn getur valdið.
Þú sækir um hestatryggingu með því að fylla út beiðnina hér fyrir neðan og senda okkur hana á sjova@sjova.is.
Hestatrygging er samsett trygging fyrir hesta með valkvæðum liðum sem þú getur sett saman eftir þínum þörfum.
Hvað er tryggt? | Hvað er ekki tryggt? |
|---|---|
| Sjúkrakostnaðartrygging greiðir kostnað vegna: | Sjúkrakostnaðartrygging greiðir ekki kostnað vegna: |
Skoðunar og meðferðar hests í kjölfar slysa eða sjúkdóma. | Meiðsla og sjúkdóma sem komu upp áður en tryggingin tók gildi eða innan 14 daga frá gildistöku hennar. |
Bæklunaraðgerða vegna fæðingargalla fyrir folöld að eins og hálfs árs aldri. | Segulómskoðunar eða sneiðmyndatöku. |
| Líftrygging greiðir bætur: | Líftrygging bætir ekki: |
Ef hestur deyr af völdum slyss eða sjúkdóms. | Ef hestur deyr eða þarf að aflífa hann vegna sjúkdóms sem hesturinn fær innan 20 daga frá því tryggingin tók gildi. |
Ef aflífa þarf hest vegna veikinda eða slysa að ráði dýralæknis. | Ef aflífa þarf hest vegna fyrirmæla opinberra yfirvalda. |
| Afnotamissistrygging reið- og keppnishesta greiðir bætur ef hesturinn er úrskurðaður algerlega og varanlega ónothæfur til reiðar eða vinnu vegna: | Afnotamissistrygging reið- og keppnishesta greiðir ekki bætur vegna: |
Sára. | Sjúkdóms sem hesturinn fær innan 20 daga frá því tryggingin tók gildi. |
Brots og sprungu á beinvef. | Geðslagsvandamála. |
Viðvarandi hjartagalla. | |
| Afnotamissistrygging stóðhesta greiðir bætur vegna: | Afnotamissistrygging stóðhesta greiðir ekki bætur vegna: |
Varanlegrar ófrjósemi eða missis líkamlegrar getu stóðhests til að fylja hryssur vegna sjúkdóms eða slysa. | Sjúkdóms sem hesturinn fær innan 20 daga frá því að tryggingin tók gildi. |
Sjúkdóms eða slyss sem var fyrir hendi þegar tryggingin tók gildi. | |
Geðslagsvandamála. | |
Spatts. | |
| Afnotamissistrygging fyrir kynbótahryssur greiðir bætur ef hryssan er úrskurðuð algerlega og varanlega ónothæf til ræktunar vegna: | Afnotamissistrygging fyrir kynbótahryssur greiðir ekki bætur vegna: |
Sára. | Sjúkdóms sem hryssan fær innan 20 daga frá því tryggingin tók gildi. |
Brots og sprungu á beinvef. | Geðslagsvandamála. |
Æxlis. | |
| Ábyrgðartrygging greiðir bætur vegna: | Ábyrgðartrygging bætir ekki tjón: |
Skaðabótaskyldu samkvæmt íslenskum lögum sem fellur á vátryggðan sem eiganda hests. | Sem eigandi hestsins verður fyrir. |
Tjón sem rekja má til þess að ekki var farið að lögum um dýrahald. |
Ekki er hægt að innifela afnotamissistryggingu nema að líftrygging sé fyrir hendi.
Hestatrygging undanskilur öll tjón sem lögboðin ábyrgðartrygging ökutækja nær til.
Hestatrygging gildir á Íslandi.
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. þeirri að fylgja skuli reglum sveitarfélaga um lausagöngu.
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Tryggingin tekur gildi frá samþykkt tilboðs og endurnýjast árlega þar til henni er sagt upp.
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.