Þegar við höfum staðfest að tjónið sé bótaskylt þá hefurðu samband við okkur og við sendum beiðni til bílaleigunnar, eða þú hefur samband við hana beint.
Við erum í samstarfi við margar bílaleigur sem við mælum sérstaklega með. Sjá listann okkar yfir bílaleigur.
Gott að hafa í huga:
Ef þú varst í fullum rétti og bíllinn er óökuhæfur, áttu rétt á greiðslu eða bílaleigubíl frá tjónsdegi og þar til viðgerð er lokið.
Ef þú ert með kaskótryggingu og ert í vildarþjónustunni Stofni áttu rétt á greiðslu eða bílaleigubíl meðan ökutæki er í viðgerð (að hámarki í 7 daga), þó að þú hafir ekki verið í rétti og tjónið sé því ekki bótaskylt. Á Mitt Sjóvá getur þú séð hvernig tryggingu þú ert með og hvort þú ert í Stofni.
