Kaskó­trygging – Stofn

1. Fara á verkstæði og láta meta tjónið. Þú finnur lista yfir viðurkennd verkstæði hér.
2. Verkstæðið sendir viðgerðarmat til Sjóvá til samþykkis.
3. Þegar samþykki liggur fyrir úthlutar verkstæðið þér tíma í viðgerð. Allar tímapantanir fara í gegnum verkstæðið.

Mikilvægt er að Sjóvá hafi samþykkt viðgerðarmat á ökutæki áður en það fer í viðgerð á verkstæði svo öruggt sé að Sjóvá ábyrgist greiðslu vegna viðgerðarkostnaðar.

Þegar viðgerð er lokið færðu reikning frá okkur vegna eigin áhættu. Ef iðgjöldin þín eru í greiðsludreifingu mun eigin áhættan dreifast með sama hætti og þú þarft ekki að gera neinar ráðstafanir.

Ef þú vilt greiða eigin áhættuna með öðrum hætti bendum við þér á að senda tölvupóst á innheimta@sjova.iseða hringja í síma 440-2277.

Við vekjum athygli á því að ef skemmdir á ökutækinu eru það miklar að Sjóvá kaupir ökutækið, þá þarf að gera upp iðgjald kaskótryggingarinnar, enda er verið að nýta trygginguna til fulls. Eftirstöðvar iðgjaldsins verða dregnar frá kaupverði ökutækisins og gæti því upphæðin sem lögð verður inn á bankareikning þinn orðið lægri en kaupverðið sem samið var um.

Við greiðum þér 5.500 kr. fyrir hvern dag sem ökutækið er í viðgerð. Ef þú kýst þennan valmöguleika, hafðu þá samband við okkur á okutjon@sjova.iseða í síma 440-2060 þegar þú hefur sótt ökutækið úr viðgerð. Eftir að viðgerð er lokið getum við reiknað út upphæðina sem við leggjum svo inn á bankareikninginn þinn í kjölfarið.

Hér má finna lista yfir bílaleigur í samstarfi við Sjóvá. Þú getur haft beint samband við bílaleigu af þessum lista og pantað bíl. Í sumum tilvikum getur verkstæðið sem sér um viðgerðina útvegað þér bíl. Ef áætlaður viðgerðartími er lengri en 7 dagar býður Hertz einn aukadag hafi bílaleigubíllinn verið leigður hjá þeim í upphafi. Sjóvá greiðir fyrir bílaleigubíl í A-flokki. Áður en þú tekur bílaleigubíl bendum við þér á að skoða skilmála bílaleigunnar til dæmis varðandi aldurstakmörk og kreditkort.