Sjóvá hefur hlotið viðurkenningu Jafnvægisvogarinnar fyrir árangur í að stuðla að jöfnu kynjahlutfalli í efsta lagi stjórnunar. Sjóvá er jafnframt samstarfsaðili Jafnvægisvogarinnar og hefur stutt verkefnið um árabil.
Jafnvægisvogin er hreyfiaflsverkefni Félags kvenna í atvinnulífinu, FKA, sem hefur það að markmiði að auka jafnvægi kynja í efsta lagi stjórnunar íslenskra fyrirtækja, stofnana og sveitarfélaga. Markmiðið er að hlutfall hvors kyns sé að lágmarki 40%.
Sjóvá hefur lengi lagt áherslu á jafnrétti og fjölbreytileika og er þátttaka félagsins í Jafnvægisvoginni liður í þeirri vegferð.
Viðurkenningin er okkur hvatning til að halda áfram að skapa vinnustað þar sem fólk fær tækifæri til að vaxa og hafa áhrif, óháð kyni. Jafnrétti gerist ekki af sjálfu sér heldur kallar á skýr markmið, meðvitaðar ákvarðanir og stöðuga eftirfylgni.
Við hjá Sjóvá erum stolt af árangrinum og ætlum að halda áfram að leggja okkar af mörkum til aukins jafnréttis í íslensku atvinnulífi.
Jafnrétti er ákvörðun.
