Sjóvá er Fyrirmyndarfyrirtæki 2026 samkvæmt niðurstöðum könnunar VR. Í könnuninni, sem VR framkvæmir árlega, er heildareinkunn fyrirtækja reiknuð út frá viðhorfi starfsfólks til ólíkra þátta starfsumhverfis. Spurt er um þætti eins og stjórnun, starfsanda, jafnrétti, starfsánægju og fleira. Í ár hlýtur Sjóvá heildareinkunnina 4,5, af 5 mögulegum.
Við hjá Sjóvá erum stolt af þessari viðurkenningu. Sjóvá hefur í mörg ár verið meðal efstu fyrirtækja í þessari vinnumarkaðskönnun VR og endurspegla þær niðurstöður áhersluna sem lögð er á að skapa jákvætt og hvetjandi vinnuumhverfi hjá fyrirtækinu.
