Siðareglunum er ætlað að stuðla að því að kröfur um góða viðskiptahætti og siðferði séu uppfylltar hjá birgjum okkar og í allri virðiskeðju þeirra.

Mörg fyrirtæki fara þessa leið og fara fram á að birgjar undirriti siðareglur, bæði til að tryggja að unnið sé með sjálfbærum hætti í allri virðiskeðjunni og til að auka meðvitund um mikilvægi þess að haga starfseminni á ábyrgan hátt.

Með aukinni áherslu á sjálfbærni og auknum kröfum til fyrirtækja í þeim efnum má gera ráð fyrir að sífellt fleiri fyrirtæki eigi eftir að óska eftir því að birgjar sínir undirriti sambærilegar siðareglur eða geri kröfu um það.

Siðareglurnar eru í nokkrum liðum sem flokkast undir mannréttindi, vinnumarkað, umhverfismál og viðskiptahætti.

Með því að undirrita reglurnar skuldbindur birgir sig til dæmis til að hafa í heiðri grundvallarmannréttindi, tryggja öryggi starfsfólks og stuðla að sjálfbærni og vernd umhverfisins.

Siðareglurnar eru alls ekki flóknar og má gera ráð fyrir að langflestir birgjar okkar hagi starfsemi sinni eftir þeim nú þegar.

Ef þú ert einn af birgjum okkar og átt eftir að undirrita siðareglurnar þá biðjum við þig að hafa samband við okkur með því að senda póst á halldora@ingimarsdottir@sjova.is Við sendum þér þá skjal sem þú getur undirritað með rafrænum skilríkjum.