Forvarnir og viðhald fjölbýlis­­húsa

• Tryggja virkni eldvarna í sameign 
• Gæta að reglulegu viðhaldi innan- og utandyra 
• Passa upp á að fasteignin sé með góða tryggingavernd 
• Koma upp innbrotaforvörnum og auka lýsingu 
• Halda raflögnum í lagi 
• Upplýsa íbúa um sameiginlega ábyrgð og öryggismál  

• Reykskynjarar eiga að vera í öllum rýmum íbúða, stigagöngum og sameign fjölbýlishúsa.  
• Prófið reykskynjara reglulega með því að þrýsta á prufuhnappinn.  
• Skiptið um rafhlöðu ef hljóðmerki heyrist ekki þegar ýtt er á prufuhnappinn 
• Slökkvitæki (6 kg) fest á vegg, á að vera við flóttaleið á hverju heimili.  
• Eldvarnateppi á að vera aðgengilegt í eldhúsi. 
• Gasskynjari þarf að vera þar sem gas er notað eða geymt, festur neðarlega á vegg. 
• Setjið upp rýmingaráætlun, ákveðið söfnunarstað og tryggið tvær flóttaleiðir úr hverri íbúð. 

• Læsið alltaf útidyrahurðum og gluggum. 
• Látið nágranna vita ef þið eruð að fara í frí og fáið þá til að fylgjast með. 
• Gætið þess að lyklar af húsnæðinu fari ekki of víða. 
• Passið vel upp á að hleypa ekki ókunnugum inn í sameignina. 
• Geymið verðmæti innandyra og læsið reiðhjólum. 
• Góð lýsing, læst sameign og nágrannavarsla draga úr líkum á innbrotum. 

• Allir íbúar ættu að vita hvar loka skal fyrir vatnið. 
• Merkið inntök og tryggið gott aðgengi. 
• Fylgist með leka frá ofnum, tækjum og lögnum. 
• Hreinsið niðurföll reglulega bæði úti og inni. 
• Notið vatnsskynjara í þvottahúsi og eldhúsi til að lágmarka lekatjón. 

Skipuleggið forvarnir og tryggingamál árlega á húsfundi. 

• Upplýsið íbúa um tryggingar, tilkynningarfyrirkomulag tjóna og forvarnir. 
• Tjón í einni íbúð getur haft áhrif á fleiri – allir íbúar bera sameiginlega ábyrgð. 
• Haldið stigagöngum og sameign snyrtilegum svo flóttaleiðir séu aðgengilegar og öruggar ef kviknar í.  
• Ekki má geyma hluti í stigagöngum eða sameign eins og bíldekk og fleira sem getur valdið hættu ef eldur kemur upp í húsinu. 

Nánari upplýsingar 

Skoðið nánari upplýsingar um eldvarnir, vatnstjón og innbrotavarnir á sjova.is eða hafið samband við ráðgjafa okkar á netspjalli, sendið tölvupóst á sjova@sjova.is eða hringið  í síma 440 2000 ef óskað er eftir frekari ráðleggingum eða aðstoð vegna forvarna.