Árlegt eldvarnar­eftirlit í fyrir­tækjum

1. Fyrirbyggir tjón og rekstrarstöðvun
   Reglulegt eldvarnareftirlit minnkar verulega líkurnar á að eldur valdi tjóni á eignum og rekstri. Ef fyrirtæki lendir í rekstrarstöðvun vegna eldsvoða, eru miklar líkur á að það fari í þrot þar sem viðskiptavinir leita annarra lausna. Það er því ómetanlegt að vera með virkt eftirlit sem kemur í veg fyrir tjón.
2. Verndar líf og eykur öryggi
   Eldur getur valdið andlegu og líkamlegu tjóni, bæði til skamms og langs tíma. Með eldvarnareftirliti tryggir þú að öryggisbúnaður, svo sem reykskynjarar og brunahurðir, séu í fullkomnu ástandi. Þannig tryggir þú öryggi starfsfólks og viðskiptavina.
3. Uppfyllir lagalegar skyldur
   Samkvæmt íslenskum lögum og reglugerðum ber fyrirtækjum að halda uppi eigin eldvarnareftirliti. Með því uppfyllir þú ekki aðeins lagaskyldur heldur tryggir að fjárfestingar í eldvarnabúnaði skili sér í auknu öryggi.

1. Eldvarnastefna og markmið
   Á hverjum vinnustað ætti að vera skýr stefna um eldvarnir. Hún ætti að innihalda markmið, ábyrgð starfsmanna og áætlun um reglulegt eftirlit. Þetta tryggir ekki aðeins betri samvinnu heldur stuðlar að meðvitund um mikilvægi eldvarna.
2. Fræðsla og þjálfun starfsfólks
   Starfsfólk þarf að vera vel upplýst um áhættuþætti og fá þjálfun í notkun slökkvibúnaðar. Með reglulegri þjálfun eykst öryggi og starfsmenn verða betur undirbúnir ef eldur kemur upp.
3. Viðbragðsáætlun og rýmingaræfingar
   Rýmingaráætlanir og viðbragðsæfingar tryggja að allir viti hvað þeir eiga að gera ef hættuástand skapast. Þetta skiptir sköpum þegar kemur að því að bjarga lífum og lágmarka tjón.

Nánari leiðbeiningar og gátlista má finna á heimasíðu Eldvarnabandalagsins. Tryggðu fyrirtæki þínu örugga framtíð með því að hefja eigið eldvarnareftirlit strax í dag!