Enginn einn barnabílstóll er sá eini rétti eða sá besti. Það skiptir mestu máli að valinn sé barnabílstóll sem hentar stærð og þyngd barnsins, að stóllinn passi í bílinn og síðast en ekki síst að hann sé alltaf rétt festur.
Þegar barnið er orðið þyngra en hámarksþyngd ungbarnabílstólsins er nauðsynlegt að skipta yfir í barnabílstól.
Ekki er mælt með að bílstólum fyrir börn sem eru 9-25 kg sé snúið fram fyrr en þau hafa náð að lágmarki 1 árs aldri.Ekki er heldur mælt með að framvísandi bílstóll sé settur í framsæti bíls, jafnvel þótt búið sé að gera öryggispúðann óvirkan. Ástæðan er sú að framsætið er á því svæði bílsins sem líklegast er til að verða fyrir árekstri.
Barnabílstóll er alltaf öruggari en bílsessa og því er mælt með að börn noti barnabílstól eins lengi og hámarksþyngd leyfir.Eftir það er mælt með að barn noti bílsessu með baki eins lengi og hægt er, eða þar til barnið hefur náð 36 kg eða 10-12 ára aldri. Þá fyrst er hægt að byrja að nota eingöngu bílbelti.
Eindregið er mælt með að notuð sé bílsessa með baki þar sem bakið á sessunni veitir barninu vörn fyrir höfuð, háls og hrygg. Á slíkum sessum er oftast líka hægt að þræða beltinu í gegn þannig að það liggi rétt á barninu, bæði yfir öxl og mjaðmir.
Tryggið að stóllinn sé alltaf festur í bílinn í samræmi við leiðbeiningar frá framleiðanda hans.
Bílstólar fyrir ungbörn eru alltaf bakvísandi, þannig að barnið snýr öfugt við akstursstefnu bílsins.
Ung börn verða að vera í bakvísandi stól því höfuð barns yngra en 1 árs er hlutfallslega mjög þungt, eða 25% af heildarþyngd þess, og hálsliðir barna yngri en 3 ára eru ekki fullþroskaðir og þar með viðkvæmir. Háls, höfuð og mæna barnsins fá mun betri vernd í bakvísandi s´tol því hann takmarkar högg og hreyfingu sem verður við árekstur.
Ef bakvísandi stóll er settur í framsæti er nauðsynlegt að láta aftengja öryggispúðann sem er fyrir framan sætið.
Barnabílstólar eru margir hannaðir þannig að þeir geti bæði snúið í bak- eða framvísandi akstursstefnu. Barnið er alltaf öruggara í bakvísandi stól og því mælum við með að snúa stólnum þannig eins lengi og hægt er.Oft er spurt hvort ekki eigi að snúa stólnum fram ef fætur barnsins eru orðnir það stórir að þeir eru bognir í sætinu eða það þrengir að þeim. Rannsóknir sýna að það hefur ekki áhrif á öryggi barnsins og því er óhætt að hafa stólinn lengur í bakvísandi stöðu því það eru fyrst og fremst höfuð, háls og bak barnsins sem eru viðkvæmust.Til eru sérstakir barnabílstólar sem eru hannaðir til að nota bakvísandi þar til börn verða 25 kg. Þeir eru festir me ðauka belti og stöng sem hvílir á gólfi bílsins.
Hefðbundnar bílessur án baks eru í raun bara sæti sem lyfta barninu upp. Þær stýra bílbeltinu ekki frá hálsi að öxl og í umferðaróhappi getur skapast hætta á að bílsessan renni undan barninu. Þá geta bílbeltin orsakað áverka þar sem þau liggja ekki rétt á barninu.Bílsessur án baks hafa því oft hærri lágmarksþyngd en sessur með baki. Því hærra og þyngra sem barnið er, því meiri líkur eru á að beltið sitji rétt yfir öxl og mjöðm.
Barnið þarf að nota sessu með baki þar til það hefur náð 36 kg eða 10-12 ára aldri. Þá fyrst getur það farið að nota eingöngu bílbelti.Ef bílbeltið liggur yfir öxl barnsins og yfir mjaðmabein þá er það orðið nógu hávaxið til að nota eingöngu bílbelti. Ef beltið liggur hins vegar yfir háls eða kvið barnsins þá er það ekki orðið nógu stórt til þess. Ef beltið liggur yfir háls eða kvið þá ver það barnið ekki rétt og eykur einnig líkurnar á áverkum eftir umferðaróhapp.