Keldunes 2010
Hressar konur í Keldunesi gerðu þetta myndbrot sem við birtum hér að neðan. Við hvetjum alla sem eiga myndbrot frá hlaupinu eða undirbúningi þess til að senda okkur myndir og myndskeið.
21. Sjóvá Kvennahlaup ÍSÍ
Sjóvá Kvennahlaup ÍSÍ fór fram í tuttugasta og fyrsta sinn, í dag, laugardaginn 19. júní. Góð þátttaka var í hlaupinu. Um 15.500 konur tóku þátt á 94 stöðum út um allt land og á um 18 stöðum erlendis. Um 6000 konur hlupu í Garðabænum sem er um 500 fleiri en í fyrra, 1300 í Mosfellsbæ, 650 á Akureyri og um 460 konur erlendis, sem eru fjölgun frá því í fyrra. Boðið var upp á mismunandi vegalengdir allt frá 2 km upp í 21 km. Mikil og góð stemning var hjá þátttakendum þar sem ömmur, mömmur, dætur og vinkonur hreyfðu sig og skemmtu sér saman.
Við hvetum þá sem eiga myndir frá sínum hlaupastað að senda okkur myndir á kvennahlaup@sjova.is. Myndir frá hlaupin er hægt að skoða hér.
Taktu þátt í skemmtilegum leik á hlaupadaginn
Taktu þátt í einföldum og skemmtilegum leik á Kvennahlaupsdaginn. Eina sem þú þarft að gera er að fylla út þátttökumiða á hlaupastaðnum og skila í kassa. 1. september munum við síðan draga úr miðunum veglega vinninga.
2x 30.000 króna gjafakort að eigin vali.
5x dekurdagar í World Class - Laugar Spa að verðmæti 20.000 krónur.
Veglegir aukavinningar.
Sölustaðir Sjóvá Kvennahlaups ÍSÍ 2010
Sölustaði utan Höfuðborgarsvæðisins er að finna hjá tenglum á hverjum hlaupastað víða um land.
Hægt er að nálgast kvennahlaupsboli á eftirfarandi sölustöðum á höfuðborgarsvæðinu.
Bolir verða til sölu á eftirfarandi stöðum:
-
Útilíf - Glæsibæ, Smáralind, Kringlunni
-
Stórar stelpur - Hverfisgötu
-
Sundlaug Kópavogs
-
Fjölsport - Firðinum Hafnarfirði
-
Suðurbæjarlaug
-
Íþróttamiðstöðin Versalir - Kópavogi
-
World Class – Laugum, Kópavogi, Hafnarfirði,Seltjarnarnesi og Grafarvogi
-
Dansrækt - JSB, Lágmúla 9
-
Ilse Jacobsen - Garðatorgi
Bolurinn í ár er appelsínugulur úr "dry fit" gæðaefni og er með V-hálsmáli.
Skráningagjald er 1.250 krónur, bolur og verðlaunapeningur innifalinn. Verðinu er eins og áður stillt mjög í hóf til að gera sem flestum mögulegt að taka þátt.
Á Höfuðborgarsvæðinu er hlaupið frá Íþróttavellinum að Varmá í Mosfellsbæ kl. 11 og frá Garðatorgi í Garðabæ kl. 14.00. Einnig eru smærri hlaup, t.d. á Hrafnistu og fleiri stöðum (sjá nánar um hlaupastaði Sjóvá Kvennahlaups ÍSÍ).
Þemað 2010 - Konur eru konum bestar
21. Sjóvá Kvennahlaup ÍSÍ fer fram á sjálfan Kvennréttindadaginn 19. júní. Það er því við hæfi að tileinka hlaupið í ár krafti og elju íslenskra kvenfélaga.
Með samstöðu, áræðni og dugnaði hafa kvenfélagskonur á Íslandi hrint í framkvæmd fjölmörgum framfara- og velferðamálum fyrir samfélagið. Fyrir 80 árum stofnuðu þær Kvenfélagasamband Íslands, KÍ, sem sameiningar og samstafsvettvang kvenfélaganna í landinu. Undir merkjum KÍ starfa þúsundir kvenna á öllum aldri og mynda þannig keðju góðra verka og vináttu.
Spor þúsund kvenna
Árið 2009 fór fram listgjörningur í tengslum við Kvennahlaupið í Garðabæ. Listakonur úr Garðabæ framkvæmdu þennan fjölmennasta listgjörning sem gerður hefur verið á Íslandi ásamt þeim þúsundum kvennahlaupskonum sem tóku þátt í hlaupinu.
Fimmtudaginn 10. júní kl. 16 verður opnuð myndlistarsýningin “Spor þúsunda kvenna” í göngugötunni á Garðatorgi í Garðabæ. Hægt verður að kaupa litlar myndir úr verkinu en allur ágóði af sölunni rennur til Krabbameinsfélagsins sem kom að þema kvennahlaupsins árið 2009. Nánari upplýsingar um listgjörninginn má finna hér.
Kvennahlaupið á Facebook
Líkt og fjölmargar konur á íslandi hefur Kvennahlaupið eignast sína eigin Facebook síðu. Þar er að finna upplýsingar um hlaupið í ár, myndir frá eldri hlaupum og ýmislegt fleira skemmtilegt. Smelltu hér til að komast á Facebook síðu Sjóvá Kvennahlaups ÍSÍ.