Fr�ttir fr� Sj�v�

Vinningshafar í happdrætti Torgasölu Sjóvár

1.3.2010 13:22:50 GMT

Undanfarnar vikur hefur Sjóvá kynnt viðskiptavinum Kringlunnar Vegaaðstoð og Nágrannavörslu Sjóvá. Af því tilefni bauð Sjóvá gestum og gangandi að skrá sig í vinningspott.

Nú hafa heppnir vinningshafar verið dregnir út og hlutu þau gjafabréf í kringlunni að upphæð 20.000. krónur. Sjóvá þakkar góða þátttöku og óskar vinningshöfunum til hamingju en þeir eru Jóna M. Magnúsdóttir, Viðar Jensson og Árni Gunnarsson.

Sjóvá hefur farið af stað með samskonar leiki í tengslum við Torgasölu í Kringlunni og verður dregið úr þeim pottum 19. apríl. og 19. júní n.k.

Á meðfylgjandi mynd eru vinningshafarnir sem dregnir voru út núna í febrúar.

Vegna umfjöllunar Morgunblaðsins um málefni Sjóvár vill félagið koma eftirfarandi á framfæri

19.1.2010 11:57:03 GMT

Vegna umfjöllunar Morgunblaðsins um málefni Sjóvár vill félagið koma eftirfarandi á framfæri.
Í fyrirsögn fréttar blaðsins er því slegið upp að „Álftaneslaugin fjármagni Sjóvá.“
Þetta rangt. Um er að ræða hefðbundið fyrirtækjaskuldarbréf á fasteignafélagið Fasteign með veðum í leigugreiðslum sveitarfélagsins af íþróttamannvirkjum og skólasvæði. Umrætt skuldabréf nemur einungis um 2% af heildareignum félagsins. Sundlaugin er meðal eigna sveitarfélagsins sem standa til tryggingar þessara greiðslna. Fjárhagur sveitarfélagsins hefur þannig hverfandi áhrif á eignasafn Sjóvár.

Sjóvá-Almennar tryggingar hf. í opið söluferli

15.1.2010 16:25:16 GMT

Meðfylgjandi er fréttatilkynning frá Íslandsbanka um opið söluferli á hlutafé í Sjóvá-Almennum tryggingum hf.

Sjóvá er í Ólympíufjölskyldu ÍSÍ

7.1.2010 12:02:00 GMT

Þriðjudaginn 5. janúar var undirritaður samstarfssamningur um þátttöku Sjóvá í Ólympíufjölskyldu ÍSÍ. Sjóvá hefur til margra ára verið dyggur stuðningsaðili ÍSÍ og við erum stolt af samstarfi okkar við íþróttahreyfinguna.

Samstarf við Græna framtíð

14.12.2009 16:29:08 GMT

Sjóvá og Græn framtíð hafa gert með sér samstarfssamning sem felur í sér að Græn framtíð tekur að sér umhverfisvæna endurnýtingu og endurvinnslu á raftækjum sem fellur til vegna tjónamála viðskiptavina Sjóvár.

Sjóvá styður Fjölskylduhjálp Íslands

14.12.2009 16:19:45 GMT

Í ár mun Sjóvá ekki senda viðskiptavinum sínum hefðbundin jólakort. Við það sparast umtalsverð upphæð og var ákveðið að nota þá fjármuni til að veita Fjölskylduhjálp Íslands aðstoð. Fimmtudaginn 10. desember var árleg hátíðarstund starfsmanna Sjóvár í Háteigskirkju. Við það tækifæri færði Lárus Ásgeirsson forstjóri Sjóvár Fjölskylduhjálpinni styrk að upphæð 200.000 krónur.

Viðurkenning frá Slökkviliði Grindavíkurbæjar

3.12.2009 09:44:33 GMT

Nú nýlega fékk Sjóvá viðurkenningu frá Slökkviliðinu í Grindavík vegna styrks sem félagið veitti slökkviliðinu.

Forvarnahúsið tekur þátt í kynningu á Nágrannavörslu í Vogum

30.11.2009 11:53:55 GMT

Í kvöld verður opinn fundur um öryggi og forvarnir í Vogum. Sérfræðingar Forvarnahússins ásamt lögreglu og fulltrúm sveitarfélagsins munu kynna öryggi og forvarnir. Sérstaklega verður farið yfir nágrannavörslu með það að markmiði að hún komist á í Vogum.

Fundurinn verður haldinn í Tjarnarsal Stóru-Vogaskóla og hefst klukkan 20:00. Gert er ráð fyrir að fundinum verði lokið klukkan 22:00.

Nágrannavarsla í Mosfellsbæ

30.11.2009 12:17:50 GMT

Eftirfarandi fréttatilkynning er á vef Mosfellsbæjar:

Mosfellsbær, Sjóvá og Lögregla höfuðborgarsvæðisins hafa hafið samstarf um nágrannavörslu í Mosfellsbæ í samvinnu við íbúa.

Nágrannavarsla hefur fyrir löngu sannað sig sem mikilvægur hlekkur í að fækka glæpum og þá sérstaklega innbrotum á heimili, í bíla og almennum þjófnaði á eigum fólks. Þar sem nágrannavarsla er virk hefur skemmdarverkum einnig fækkað og dregið úr veggjakroti.

Nágrannavarsla felst í samvinnu nágranna um að gera umhverfi sitt og heimili öruggari. Með því móti er leitast við að draga úr innbrotum, þjófnaði og skemmdarverkum. Nágrannavarsla hefur verið þekkt í áratugi og hefur víða verið sett upp með góðum árangri bæði á Íslandi og víða erlendis.

Lárus Ásgeirsson nýr forstjóri Sjóvá

10.11.2009 13:52:38 GMT

Stjórn Sjóvá-Almennra Trygginga hf. hefur ráðið Lárus Ásgeirsson sem forstjóra félagsins frá 9. nóvember. Lárus tekur við af Herði Arnarsyni sem ráðinn hefur verið forstjóri Landsvirkjunar.

Starfsemi nýs vátryggingafélags hafin

1.10.2009 15:33:12 GMT

Þann 22. september sl. heimilaði Fjármálaeftirlitið nýju vátryggingafélagi að taka við vátryggingastofni Sjóvá-Almennra trygginga hf. Nýtt félag með kennitöluna 650909-1270 hefur í framhaldi af því tekið við öllum vátryggingum félagsins og öllum skuldbindingum vegna tjóna hvort sem þau urðu fyrir eða eftir umrædda dagsetningu. Frétt á heimasíðu Fjármálaeftirlitsins má lesa hér .

Skrikvagnar notaðir til að auka skilning á akstri við erfiðar aðstæður

28.9.2009 16:52:11 GMT

í dag afhenti Sjóvá Forvarnarhúsinu tvo skrikvagna að gjöf og verða þeir notaðir við ökukennslu á vegum Ökukennarafélags Íslands.

Kynntu þér vindasama staði

15.9.2009 12:07:00 GMT

Nú rennur upp sá árstími þar sem allra veðra er von. Einhverjir kunna þó að freistast til að leggja upp í ferðalag með tengivagna. Við viljum benda Þeim ökumönnum sem hyggja á slík ferðalög að kynna sér vindakortið sem Sjóvá og Forvarnahúsið hafa sett upp á vefsvæðum sínum. Þar má sjá upplýsingar um vindasama staði sem rétt er að kynna sér vel áður en lagt er af stað í ferðalagið.

Vindakortið má sjá hér.

Mikill áhugi á nágrannavörslu

15.9.2009 11:33:36 GMT

Sjóvá hefur fengið mjög góð viðbrögð við nágrannavörsluátakinu sem hófst í lok ágúst. Gildir þá einu hvort um er að ræða viðskiptavini félagsins eða aðra sem hafa áhuga á að kynna sér nánar hvað felst í nágrannavörslunni.

Nýr vefur Forvarnahússins

15.9.2009 12:11:27 GMT

Við vekjum athygli á því að Forvarnahúsið hefur opnað nýtt vefsvæði. Á heimasíðu Forvarnahússins er að finna aðgengilegar og áreiðanlegar upplýsingar um alla flokka slysavarna fyrir alla aldurshópa. Sérstaklega er hugað að áhættuhópum eða þeim einstaklingum sem mest verða fyrir slysum, s.s. börnum, öldruðum og ungum ökumönnum. Hægt er finna svör við flestum spurningum sem varða barnabílstóla, slysavarnir barna, umferðaröryggi, slys í frítíma, o.fl.

Af síðunni er hægt að senda ábendingar um slysahættur einnig fyrirspurnir um öryggi til sérfræðinga Forvarnahússins. Fjölmiðlar geta nýtt sér fljótfundnar upplýsingar í Fréttavaktinni og fyrir fræðifólk er safn af skýrslum, rannsóknum og tenglum í Gagnasafninu.

Sjóvá eflir nágrannavörslu

1.9.2009 11:50:09 GMT

Í síðustu viku var hrundið úr vör hjá Sjóvá, átaki um kynningu á nágrannavörslu. Mörgum landsmönnum er nóg boðið eftir þá hrinu innbrota sem gengið hefur yfir að undanförnu. Áratuga reynsla af nágrannavörslu víða um heim hefur sýnt að það dregur úr innbrotum, skemmdarverkum og öðrum glæpum eftir innleiðingu hennar.

Yfirlýsing frá Sjóvá

7.7.2009 13:57:30 GMT

Húsleit ekki tengd tryggingastarfsemi Sjóvár

Vegna húsleitar embættis sérstaks saksóknara í höfuðstöðvum Sjóvar í morgun skal áréttað að sú rannsókn sem nú fer fram á málum er varða samskipti Sjóvár og Milestone, snýr eingöngu að fjárfestingatengdri starfsemi en hefur ekkert með tryggingastarfsemi Sjóvár að gera.

Stjórnendur og starfsfólk Sjóvár hafa lagt sig fram um að aðstoða starfsmenn sérstaks saksóknara við að útvega þau gögn sem óskað hefur verið eftir.

Hörður Arnarson,

forstjóri Sjóvár.

Öryggisvesti fyrir hestamenn

5.6.2009 13:23:54 GMT

Við tryggjum verðmætin í lífi fólks

Sjóvá færir reiðskólum á Akureyri öryggisvesti að gjöf

Í gær afhenti Sjóvá reiðskólum Léttis og Káts á Akureyri öryggisvesti að gjöf. Gjöfin er mjög vegleg og tryggja að þeir krakkar sem fara í Reiðskólana á Akureyri eru í besta hugsanlega öryggisbúnaði.

Mikil umræða hefur skapast um öryggismál hestamanna undanfarin ár og hefur Sjóvá verið í forystu hvað varðar vakningu fyrir notkun á öryggisvestum fyrir börnin okkar. Við trúum því að öryggisvesti verði áður en langt um líður orðin staðalbúnaður fyrir yngstu knapana okkar.

Þessi öryggisvesti eru nýjung hér á landi en mjög góð reynsla er af þeim erlendis. Vestin eru gefin í tilefni þess að Hestamannafélagið Léttir á Akureyri er 80 ára og hefur tekið í notkun nýja og glæsilega reiðhöll. Gera má því ráð fyrir að þátttakendum á reiðnámskeiðum fyrir norðann muni fjölga mikið á næstunni.

Tilkynning frá Sjóvá-Almennum tryggingum hf.

5.6.2009 11:23:20 GMT

Frestun vaxtagjalddaga í skuldabréfaflokki SJVA 08 1.
Útgefandi skuldabréfaflokks SJVA 08 1, Sjóvá-Almennar tryggingar hf., kt. 701288-1739, tilkynnir hér með um frestun greiðslu vaxta með vaxtagjalddaga 3. mars 2009.

Viðbótarlífeyrissparnaður Sjóvá Líf yfir til Almenna Lífeyrissjóðsins

21.6.2006 16:13:23 GMT

Sjóvá Almennar líftryggingar hf.hefur selt heildarsafn samninga um viðbótarlífeyrissparnað /SALT til Almenna Lífeyrissjóðsins, Glitnis. hf. www.almenni.is